နေပြည်တော်၊ မေ ၄
မိုးကြိုကာလဖြစ်သည့် မေလ ၁ ရက်မှစ၍ နေရာအချို့တွင် မိုးသည်းထန်စွာရွာသွန်းပြီး ရှမ်းပြည်နယ်(တောင်ပိုင်း)၊ သာစည်မြို့နယ်အတွင်းရှိသာစည်-ရွှေညောင်ရထားလမ်းပိုင်း၏ ဆင်တောင်နှင့် မြင်းဒိုက်ဘူတာအကြား၊ မိုင်တိုင်အမှတ် ၃၅၇/၄-၅ အကြား ရထားလမ်းတာပေါင် ပြိုကျမှုဖြစ်ပွားခဲ့ပြီးရထားလမ်းပိုင်းကို မေလ ၁ ရက် ည ၆ နာရီ ၁၆ မိနစ်မှစ၍ ယာယီပိတ်ထားခဲ့ရကြောင်း သိရသည်။
ရထားလမ်းတာပေါင်ပြိုကျမှုဖြစ်ပွားရာသို့ မြန်မာ့မီးရထားဝန်ထမ်းများက ယင်းနေ့ည ၇ နာရီတွင်ရောက်ရှိစစ်ဆေးခဲ့ရာ ရထားလမ်း တာပေါင် ဇလီဖားတုံးထိပ်မှ အလျားပေ၂၀၊ အမြင့်ပေ ၃၀ ခန့်ရှိ မြေသားတာပေါင်ပြိုကျမှုဖြစ်ပွားခဲ့ခြင်းဖြစ်ပြီး အဆိုပါရထားလမ်းတာပေါင်ပြိုကျမှုကြောင့် မေလ ၂ ရက်မှစ၍ ယာယီရပ်နားထားရသည့်သာစည်- ရွှေညောင်ရထားခရီးစဉ် အမှတ်(၁၄၁)အဆန်၊ (၁၄၂)အစုန်ရထားများ အမြန်ဆုံး ပြန်လည်ပြေးဆွဲနိုင်ရေး မြန်မာ့မီးရထား ဝန်ထမ်းများက ပျက်စီးခဲ့သည့် ရထားလမ်းပိုင်း မြေထိန်း နံရံအား ပိုင်ရိုက်ခြင်းနှင့် ၆”x ၉” ကျောက်ကြီးများထည့်သွင်းခြင်းတို့ကို အမြန်ဆုံးပြုပြင် ဆောင်ရွက် လျက်ရှိကြောင်း သတင်းရရှိသည်။
https://t.me/MyanmarNationalPost
No comments:
Post a Comment