မေ - ၂၉ ( ကြာသပတေးနေ့ )
ဂျူးအခြေချနေထိုင်မှုရပ်ကွက်အသစ် ၂၂ ခုကို အတည်ပြုပြီးနောက် လာမယ့်နှစ်များအတွင်း အစ္စရေးက သိမ်းပိုက်ထားသော အနောက်ဘက်ကမ်းဒေသတွင် အထင်ရှားဆုံး တိုးချဲ့မှုအစီအစဉ်ကို ကြာသပတေးနေ့တွင် ထုတ်ဖော်ခဲ့ပါတယ်။
အဆိုပါ အစီအစဉ်သည် ယခင်ရှိပြီးသားဖြစ်သော်လည်း တရားဝင်မဟုတ်သည့် အခြေချနေထိုင်မှု ရပ်ကွက် ၂၂ ခုအား တရားဝင်အသိအမှတ်ပြုပေးထားကြောင်း အစ္စရေးကာကွယ်ရေးဝန်ကြီး အစ္စရေး ကတ်ဇ် နှင့် အစ္စရေးဘဏ္ဍာရေးဝန်ကြီး ဘီဇယ်လယ်စမိုထရစ် က ပြောကြားခဲ့တာပါ။
အဆိုပါ ခြေလှမ်းသည် အစ္စရေးကို အန္တရာယ်ဖြစ်စေမည့် ပါလက်စတိုင်းနိုင်ငံ ထူထောင်ရေးကို တားဆီးနိုင်မယ်လို့ ကတ်ဇ် က ပြောကြားသော်လည်း ပါလက်စတိုင်းအာဏာပိုင်နှင့် အစ္စရေးရှိ အနည်းဆုံး စစ်ဆန့်ကျင်ရေးအဖွဲ့တစ်ဖွဲ့က ယင်းလုပ်ရပ်ကို ရှုတ်ချခဲ့ပါတယ်။
ပါလက်စတိုင်းသမ္မတပြောရေးဆိုခွင့်ရှိသူ က သိမ်းပိုက်ထားသော အရှေ့ဂျေရုဆလင်အပါအဝင် အနောက်ဘက်ကမ်းတွင် အစ္စရေးအစိုးရ၏ အခြေချနေထိုင်မှုအသစ်ကို အစ္စရေးအစိုးရ၏ခွင့်ပြုချက်ထက် အနည်းဆုံး ကုလသမဂ္ဂလုံခြုံရေးကောင်စီ၏ ဆုံးဖြတ်ချက်တစ်ခုအပါအဝင် နိုင်ငံတကာတရားဝင်မှု လိုပါတယ်လို့ ဆိုပါတယ်။ လက်ရှိလုပ်ရပ်က နိုင်ငံတကာဥပဒေကို ဆန့်ကျင်နေပြီး အန္တရာယ်ရှိသော အခြေအနေ တိုးမြင့်လာနိုင်ဖွယ်ရာ ရှိတယ်လို့လည်း ပြောသွားပါတယ်။
REF: UPI
https://t.me/MyanmarNationalPost
No comments:
Post a Comment