ရွှေတောင်၊ မေ ၃၀
ပဲခူးတိုင်းဒေသကြီး၊ ရွှေတောင်မြို့နယ်၌ မြို့နယ်သမဝါယမဦးစီးဌာနတွင် သမဝါယမအသင်းစုက ၂၀၂၅-၂၀၂၆ ဘဏ္ဍာနှစ် နိုင်ငံစီးပွားမြှင့်တင်ရေး ရန်ပုံငွေဖြင့် ၂၀၂၅-၂၀၂၆ မိုးစပါး စီမံကိန်း အတွက်မိုးစပါးစိုက်ပျိုးကြမည့် သမဝါယမအသင်းသားတောင်သူများအား အထွက်တိုး "အောင်နိုင်တိုး" စပါးမျိုးများ ပေးအပ်ပွဲကို ယမန်နေ့နံနက်ပိုင်းက မြို့နယ်သမဝါယမဦးစီးဌာနရုံးတွင် ကျင်းပခဲ့သည်။
ထို့သို့ပေးအပ်ရာတွင် မြို့နယ်သမဝါယမဦးစီးဌာန ဦးစီးမှူး ဦးဌေးဝင်းမှ မျိုးစပါးပေးအပ်ရခြင်းနှင့်ပတ်သက်၍ ပန်းတိုင်အထွက်နှုန်းရရှိရေး အတွက် တောင်သူ အထွက်နှုန်းကောင်းတစ်ဧက တင်း( ၁၀၀) ကျော်ထွက်ရှိရေးကြိုးစားဆောင်ရွက်နိုင်ရေး၊မြို့နယ်စိုက်ပျိုးရေးဦးစီးဌာန မြို့နယ်ဦးစီးမှူး ဦးမျိုးအောင်က စိုက်ပျိုးရေး စနစ်မှန်မှန်ရေး၊မျိုး၊မြေ၊ရေနည်းစနစ်မှမ်ကန်ရေးတို့ကိုရှင်းလင်းပြောကြားသည်။
ယင်းနောက် မြို့နယ်အတွင်းရှိ သမဝါယမအသင်းမှ၂၀၂၅-၂၀၂၆ မိုးစပါး စီမံကိန်း အတွက်မိုးစပါးစိုက်ပျိုးကြမည့် သမဝါယမအသင်းသားတောင်သူ ( ၁၈) ဦးအားမြို့နယ်စိုက်ပျိုးရေးဦးစီးဌာန မြို့နယ်ဦးစီးမှူး ဦးမျိုးအောင်နှင့် မြို့နယ်သမဝါယမဦးစီးဌာန ဦးစီးမှူး ဦးဌေးဝင်းတို့မှအထွက်တိုး အောင်နိုင်တိုးမျိုးစပါးမျိုးကို လက်ဝယ်အရောက် ပေးအပ်ခဲ့ကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment