ပါကစ္စတန်က တာဝေးပစ်ဒုံးကျည်ကို စမ်းသက်ပစ်လွှတ်ပြတာက အိန္ဒိယကို ရန်စနေတာလို့ဆို

မေ - ၃ ( စနေနေ့ ) 

ပါကစ္စတန်စစ်တပ်သည် အကွာအဝေး ကီလိုမီတာ ၄၅၀ (မိုင် ၂၈၀) ရှိသည့် အက်ဘ်ဒလီ လက်နက်စနစ် ဟုခေါ်သော မြေပြင်မှ မြေပြင်ပစ် ဒုံးကျည်ကို အောင်မြင်စွာ စမ်းသပ်ပစ်လွှတ်နိုင်ခဲ့ကြောင်း ကာကွယ်ရေး တာဝန်ရှိသူများက ပြောကြားခဲ့သည်။ အိန္ဒိယ၏ ဂျမူး နှင့် ကတ်ရှ်မီးယား တို့တွင် ဖြစ်ပွားခဲ့သော အကြမ်းဖက်တိုက်ခိုက်မှုအပြီး ပါကစ္စတန်နှင့် အိန္ဒိယတို့ကြား တင်းမာမှုများ ဆက်လက်မြင့်တက်နေချိန်တွင် အဆိုပါ စစ်ရေးလေ့ကျင့်မှု ထွက်ပေါ်လာခြင်းဖြစ်သည်။

စနေနေ့က ထုတ်ပြန်ချက်တစ်ခုတွင် ပါကစ္စတန်စစ်တပ်မှ ဒုံးကျည်ပစ်လွှတ်မှုသည် "တပ်ဖွဲ့များ၏ စစ်ဆင်ရေး အဆင်သင့်ဖြစ်မှုအား သေချာစေရန် ရည်ရွယ်ပြီး ဒုံးကျည်၏အဆင့်မြင့် လမ်းကြောင်းပြစနစ်နှင့် ထိန်းကျောင်းနိုင်မှု အင်္ဂါရပ်များ အပါအဝင် အဓိကနည်းပညာဆိုင်ရာ ကန့်သတ်ချက်များကို သက်သေပြရန် ရည်ရွယ်ထားကြောင်း" ပြောကြားခဲ့သည်။

အစ္စလာမာဘတ်အစိုးရ၏ စစ်ဘက်ဆိုင်ရာ ထိပ်တန်းခေါင်းဆောင်များက အဆိုပါ စစ်ရေးလေ့ကျင့်မှုကို ကြည့်ရှုခဲ့ပြီး သမ္မတ အာဆစ်အလီဇာဒါရီ နှင့် ဝန်ကြီးချုပ် ရှီဟဘေဇ် ရှာရစ် တို့က ပါကစ္စတန်၏ မဟာဗျူဟာတပ်ဖွဲ့များသည် ယုံကြည်လောက်လောက်သော အနိမ့်ဆုံး ဟန့်တားမှုနှင့် ရန်လိုမှုမှန်သမျှမှ အမျိုးသားလုံခြုံရေးကို ကာကွယ်နိုင်သည်ဟု ယုံကြည်ကြောင်း ဖော်ပြခဲ့ကြသည်။

စမ်းသပ်မှုမတိုင်မီ နာရီပိုင်းအလိုတွင် အိန္ဒိယအာဏာပိုင်များသည် ပါကစ္စတန် ပဲ့ထိန်းဒုံးကျည်စမ်းသပ်မှုကို "မဆင်မခြင် ရန်စခြင်း" နှင့် နယူးဒေလီအပေါ် အစ္စလာမာဘတ်၏ "ရန်လိုသောလှုံ့ဆော်မှု" ၏ "အန္တရာယ်များသော တိုးမြင့်လာမှု" အဖြစ် ယူဆကြောင်း ဟင်ဒူစတန်တိုင်းမ် သတင်းဌာနက ဖော်ပြခဲ့သည်။

REF: RT

https://t.me/MyanmarNationalPost