နေပြည်တော်၊ မေ ၁၈
ပြည်ခိုင်ဖြိုးပါတီဥက္ကဋ္ဌ ဦးခင်ရီ ဦးဆောင်သော ကိုယ်စားလှယ်အဖွဲ့သည် Belaya Rus ပါတီ ၏ ဖိတ်ကြားချက်အရ ဘယ်လာရုစ်နိုင်ငံ၊ Minsk မြို့တွင် ကျင်းပသော International Inter-Party Conference အစီအစဉ်များကို တက်ရောက်လျက်ရှိသည်။
ထိုအစည်းအဝေးပွဲသို့ ရုရှား၊ အဇာဘိုင်ဂျန်၊ အာမေးနီးယား၊ ဗင်နီဇွဲလား၊ ဗီယက်နမ်၊ အီရန်၊ ကာဇက်စတန်၊ တရုတ်၊ ကျူးဘား၊ မြန်မာ၊ ပါလက်စတိုင်း၊ ဆားဘီးယား၊ တာဂျစ်ကစ္စတန်၊ ဥဇဘက်ကစ္စတန်စသည့် နိုင်ငံရေးပါတီများမှ ပါတီကိုယ်စားလှယ်များနှင့် ပညာရှင်များ စုစုပေါင်း ၄၉၂ ဦး ပါဝင်တက်ရောက်လျက်ရှိပါသည်။
ထိုအစည်းအဝေးအစီအစဉ်အတွင်း စုံညီအစည်းအဝေး နှင့် ကဏ္ဍအလိုက် ဆွေးနွေးပွဲများတွင် ဟောပြောသူ ၃၁ ဦး၊ သိပ္ပံဆရာဝန် ၇ ဦး၊ တွဲဖက်ပါမောက္ခ ၂၉ ဦး၊ ပါမောက္ခ ၆ ဦး၊ ပညာရှင် ၁ ဦးတို့ ပါဝင်ပြီး ပြည်ခိုင်ဖြိုးပါတီ ဥက္ကဋ္ဌမှလည်း တက်ရောက်ဟောပြောဆွေးနွေးခဲ့ကြောင်း သတင်းရရှိသည်။
Ref - Belaya Rus
https://t.me/MyanmarNationalPost
No comments:
Post a Comment