အမေရိကန် မီးသတ်သမား ၂ ယောက် တောမီးငြိမ်းနေစဉ် စနိုက်ပါနဲ့ ချောင်းပစ်ခံလိုက်ရ

ဇွန် - ၃၀ ( တနင်္လာနေ့ ) 

မနေ့က အမေရိကန်နိုင်ငံ အိုင်ဒါဟိုပြည်နယ်က ဆီအာဒအလိန်း မှာ တောမီးလောင်မှုဖြစ်ပွားပါတယ်။ အရေးပေါ်အဖွဲ့တွေ နဲ့ မီးသတ်သမားတွေ လာရောက်ပြီး မီးငြိမ်းသက်ဖို့ကြိုးစားနေစဉ်မှာပဲ မီးသတ်သမား ၂ယောက်ကို စနိုက်ပါ သမားတစ်ယောက်က ချောင်းပစ်သွားပါတယ်။ 

စနိုက်ပါသမားက မီးလောင်ပြင်ထဲမှာ ပဲ ရှိနေသေးတာကြောင့် အာဏာပိုင်တွေအနေနဲ့ တောမီးကို ဆက်ငြိမ်းရမလား မငြိမ်းရဘူးလားဆိုတာကို လွန်ဆွဲနေကြပါတယ်။ ကန်ဖီးလ်တောင်က စက်ဘီးသမားတွေနဲ့ တောင်တက်သမားတွေကြားမှာ ရေပန်းစားနေတဲ့တောင်ပဲ ဖြစ်ပါတယ်။ မီးလောင်တယ်ဆိုတော့ အရေးပေါ်ကယ်ဆယ်ရေးအဖွဲ့တွေက တောင်ဘက်ကို ကမန်းကတမ်းထွက်လာခဲ့ကြပါတယ်။ မိနစ် ၃၀ လောက်အကြာမှာ သေနတ်သံထွက်ပေါ်လာခဲ့တာပါပဲ။ 

“အဲဒီမှာ သံသယရှိသူ အရေအတွက် ဘယ်လောက်ရှိတယ်ဆိုတာ ကျွန်တော်တို့ မသိသလို အသေအပျောက် ဘယ်လောက်ရှိလဲ မသိပါဘူး” ဟု ရဲအရာရှိ ရောဘတ်နောရစ် က သတင်းထောက်များကို ပြောကြားခဲ့ပါတယ်။ "အခု ကျနော်ခင်ဗျားတို့ကို စကားပြောနေချိန်မှာလည်း စနိုက်ဘာသမားက ပစ်နေတုန်းပါပဲ"လို့ ဆိုပါတယ်။ 

သေနတ်သမားသည် စွမ်းအားမြင့် ရိုင်ဖယ်ကို အသုံးပြုကာ မြေပြင်တွင် ဖုံးကွယ်ထားပုံ ရတယ်လို့ ဆိုပါတယ်။ “[သံသယရှိသူ] ကို ချေမှုန်းနိုင်မယ်လို့ ကျွန်တော် မျှော်လင့်ပါတယ်၊ ဘာကြောင့်လဲဆိုတော့ သူတို့က လက်နက်ချချင်တဲ့ အထောက်အထားတွေ မပြနိုင်လို့ပါ”လို့လည်းဆက်ပြောပါတယ်။  

တောင်တက်သမားများ အပါအဝင် အရပ်သားများသည် ထိုနေရာမှ ထွက်ပြေး လာကြသည်ကို တွေ့မြင်ရပါတယ်။ မီးနှင့် စနိုက်ပါများကြားတွင် လူအချို့ ပိတ်မိနေနိုင်ကြောင်း နောရစ် က သတိပေးခဲ့ပါတယ်။ 

FBI လက်ထောက်ညွှန်ကြားရေးမှူး Dan Bongino သည် “နည်းဗျူဟာနှင့် စစ်ဆင်ရေးဆိုင်ရာ ပံ့ပိုးကူညီမှု” ပေးရန် ဖက်ဒရယ်အေးဂျင့်များကို တပ်ဖြန့်ထားကြောင်း အတည်ပြုခဲ့ပါတယ်။ ကူညီရန် ရဲရဟတ်ယာဉ်တစ်စီး စေလွှတ်ခဲ့သော်လည်း ဆက်လက်ပစ်ခတ်မှုကြောင့် ဆင်းသက်နိုင်ခြင်း မရှိခဲ့ပေ။ အိုင်ဒါဟို ပြည်နယ်အုပ်ချုပ်ရေးမှူး ဘရက်လစ်တဲ က အဆိုပါတိုက်ခိုက်မှုကို ရှုတ်ချခဲ့ပြီး ၎င်းသည် "ကျွန်ုပ်တို့၏ ရဲရင့်သော မီးသတ်သမားများကို ပြင်းထန်စွာတိုက်ရိုက်တိုက်ခိုက်ခြင်း" လို့ ပြောဆိုသွားပါတယ်။ 

Ref : RT

https://t.me/MyanmarNationalPost