တရုတ်က အိန္ဒိယကို ဓာတ်မြေဩဇာ မရောင်းတော့လို့ စိုက်ပျိုးရေး ရာသီမှာ အခက်အခဲဖြစ်

ဇွန် - ၂၇ ( သောကြာနေ့ ) 

Economic Times သတင်းဌာနရဲ့ အစီရင်ခံစာအရ တရုတ်နဲ့ အိန္ဒိယကြား ကုန်သွယ်ရေးတင်မာမှု ဖြစ်ပြီးကတည်းက တရုတ်ဘက်က အိန္ဒိယကို ဓာတ်မြေဩဇာ မတင်သွင်းသည်မှာ ၂ လကျော်ကြာမြင့်ပြီလို့ သိရပါတယ်။ သစ်သီးဝလံနှင့် ဟင်းသီးဟင်းရွက်များကဲ့သို့ တန်ဖိုးမြင့်သီးနှံများ အထွက်နှုန်းမြှင့်တင်ရန်အတွက် အရေးကြီးတဲ့ မြေသြဇာကြောင့် ယခုအခါ အိမ်နီးချင်းနှစ်နိုင်ငံကြား တိတ်တဆိတ် ကုန်သွယ်မှုစစ်ပွဲ ဖြစ်နေပါတယ် ။ 

တရားဝင် တင်ပို့ခွင့် ပိတ်ပင်ထားခြင်း မရှိသော်လည်း တရုတ်အာဏာပိုင်များသည် အိန္ဒိယအတွက် ရည်ရွယ်သော တင်ပို့မှုများကို ထိရောက်စွာ ပိတ်ဆို့ထားကြောင်း သွင်းကုန်ကုမ္ပဏီများ၏ ထိပ်တန်းအမှုဆောင် အရာရှိများက ပြောကြားခဲ့ပါတယ်။ တရုတ်စက်ရုံများမှ တင်ပို့မှုများကို ယခုအခါ အစိုးရရဲ့ တင်းတင်းကျပ်ကျပ် စစ်ဆေးမှုများ ပြုလုပ်နေတာက အိန္ဒိယအတွက်သာ ဖြစ်တယ်လို့ စီးပွားရေးသတင်းရင်းမြစ်များကို ကိုးကားဖော်ပြခဲ့ပါတယ်။ အခြားနိုင်ငံတွေကိုတော့ ဓာတ်မြေသြဇာများကို တရုတ်နိုင်ငံက ပုံမှန်အတိုင်း ဆက်လက်တင်ပို့နေဆဲဖြစ်ပါတယ်။ 

မြေသြဇာလုပ်ငန်းအသင်း (SFIA) ၏ ဥက္ကဋ္ဌ Rajib Chakraborty က “တရုတ်က အိန္ဒိယကို ပို့နေတဲ့ ဓာတ်မြေဩဇာ တွေကို လွန်ခဲ့တဲ့ ၄ နှစ်ကနေ ၅ နှစ်လောက်ကတည်းက ကန့်သတ်ထားပေမယ့် ဒီလိုမျိုး ဘယ်တော့မှ မလုပ်ဖူးပါဘူး” လို့ ပြောပါတယ်။ 

အိန္ဒိယမှ ၎င်း၏ အထူးဓာတ်မြေသြဇာ ၈၀ ရာခိုင်နှုန်းနီးပါးဖြစ်တဲ့ ရေတွင်ပျော်ဝင်နိုင်သော အာဟာရဓာတ်များ၊ အရည်ရွက်အစာများ၊ နှေးကွေးပြီး ထိန်းချုပ်ထားသော ထုတ်လွှတ်မှုမျိုးကွဲများနှင့် ဇီဝဆေးများကို တရုတ်နိုင်ငံမှ တင်သွင်းပါတယ်။ ဇွန်လမှ ဒီဇင်ဘာလအထိ သီးနှံစိုက်ချိန်အတွင်း ထိရောက်မှုမြင့်မားသော ဓာတ်မြေသြဇာ တန်ချိန် ၁၅၀,၀၀၀ မှ ၁၆၀,၀၀၀ ခန့် တင်သွင်းလေ့ရှိကြောင်း စက်မှုလုပ်ငန်း၏ ခန့်မှန်းချက်အရ သိရပါတယ်။ 

REF: money control

https://t.me/MyanmarNationalPost