ဇူလိုင် - ၅ ( စနေနေ့ )
အမေရိကန်နှင့် အစ္စရေးတို့က အီရန်နျူကလီးယားစက်ရုံများကို ဗုံးကြဲချပြီးနောက် သီတင်းပတ်အကြာတွင် အီရန်နိုင်ငံက ပူးပေါင်းဆောင်ရွက်မှု အစီအစဉ်ကို ဆိုင်းငံ့ထားလိုက်ကြောင်း ကြေညာပြီး နှစ်ရက်အကြာတွင် ကုလသမဂ္ဂ နျူကလီးယား စစ်ဆေးရေးမှူးများသည် အီရန်နိုင်ငံမှ ထွက်ခွာသွားခဲ့ရပါတယ်။
နိုင်ငံတကာ အနုမြူစွမ်းအင် အေဂျင်စီ( IAEA )ရဲ့ စစ်ဆေးရေးမှူးချုပ် ရာဖေး ဂရော့စီက ယူရေနီယံ သန့်စင်ရေး စက်ရုံများကို အကဲဖြတ်ရန်နှင့် စွပ်စွဲခံထားရသော နျူကလီးယား လက်နက်ထုတ်လုပ်မှု ကြိုးပမ်းမှုများရှိမရှိ နဲ့ပတ်သက်ပြီး အီရန်က လုပ်ခွင့်မပြုတော့ပါဘူး။
IAEA ကလည်း စစ်ဆေးရေးမှူးများရဲ့ တွေ့ရှိချက်များကို အစီရင်ခံခြင်း မရှိတော့ပါဘူး။ အစ္စရေးနှင့် အီရန်တို့ကြား တိုက်ပွဲများဖြစ်နေစဉ်အတွင်း ၎င်းတို့က မြို့တော် တီဟီရန်မှာ ရှိနေခဲ့တာပါ။ မကြာသေးမီက ဖြစ်ပွားခဲ့သော စစ်ရေးပဋိပက္ခတစ်လျှောက်လုံး တီဟီရန်တွင် နေထိုင်ခဲ့ပြီးနောက် IAEA မှ စစ်ဆေးရေးမှူးအဖွဲ့တစ်ဖွဲ့သည် အီရန်နိုင်ငံမှ လုံခြုံစွာထွက်ခွာခဲ့ပြီး ဗီယင်နာရှိ အေဂျင်စီဌာနချုပ်သို့ ပြန်လည်ထွက်ခွာသွားခဲ့ကြောင်း ကုလသမဂ္ဂအေဂျင်စီက သောကြာနေ့တွင် ရေးသားခဲ့ပါတယ်။ IAEA ညွှန်ကြားရေးမှူးချုပ် ကတော့ အီရန်တွင် ၎င်းတို့ရဲ့ မရှိမဖြစ် စောင့်ကြည့်စစ်ဆေးခြင်းနှင့် စိစစ်ခြင်းလုပ်ငန်းများကို အမြန်ဆုံးပြန်လည်စတင်ရန်အတွက် အီရန်နဲ့ ဆွေးနွေးနေကြောင်း ပြောထားပါတယ်။
အီရန်သမ္မတ က IAEA စစ်ဆေးရေးမှူးတွေကို ဗုဒ္ဓဟူးနေ့ကတည်းက အီရန်နျူ့စက်ရုံတွေကို လာရောက်ခွင့် မရှိဘူးဆိုတဲ့ အမိန့်ကို လက်မှတ်ထိုးပေးလိုက်ပါတယ်။ အီရန်တော်လှန်ရေး အစောင့်တပ်တွေရဲ့ အမြင့်ပိုင်း အရာရှိတွေရဲ့ခွင့်ပြုချက်မရဘဲ နျူ့စက်ရုံတွေဆီကို မလာဖို့အတွက်လည်း အမိန့်ထုတ်ထားပါတယ်။
REF: UPI
https://t.me/MyanmarNationalPost
No comments:
Post a Comment