ပဲခူး ၊ ဇူလိုင် ၃
၂၀၂၅ ခုနှစ်၊ အခြေခံပညာအထက်တန်းကျောင်း (ခွဲ) ပုဏ္ဏားစုကျောင်း၏ ဝါဆိုသင်္ကန်းဆက်ကပ်လှူဒါန်းပွဲ မင်္ဂလာအခမ်းအနားကို ယမန်နေ့ နံနက်ပိုင်းတွင် အဆိုပါကျောင်းရှိ ရွှေရတုခန်းမ၌ ကျင်းပပြုလုပ်သည်။
ဦးစွာ အခမ်းအနားကို နမောတဿသုံးကြိမ်ရွတ်ဆိုဘုရားကန်တော့ဖွင့်လှစ်၍ အောင်သိဒ္ဓိကျောင်းဆရာတော်ထံမှ ငါးပါးသီလခံယူဆောက်တည်ကြပြီး ဆရာတော်အရှင်သူမြတ်များ ရွတ်ပွားချီးမြှင့်တော်မူသည့် မေတ္တသုတ်ပရိတ်တရားတော်များကို နာယူကြည်ညိုကြသည်။
ထို့နောက် အောင်သိဒ္ဓိကျောင်းဆရာတော်နှင့် သံဃာတော်အရှင်သူမြတ်များတို့အား အခြေခံပညာအထက်တန်းကျောင်း (ခွဲ) ပုဏ္ဏားစု ကျောင်းအုပ်ဆရာမကြီး ဒေါ်သီတာရီနှင့် ဆရာ/ဆရာမများက ဝါဆိုသင်္ကန်းနှင့် လှူဖွယ်ပစ္စည်းများကို ဆက်ကပ်လှူဒါန်းကြပြီး လှူဒါန်းမှုအစုစုတို့အတွက် ရေစက်သွန်းချအမျှပေးဝေကြကာ ဗုဒ္ဓသာသနံ စိရံတိဋ္ဌတု သုံးကြိမ်ရွတ်ဆိုဆုတောင်း၍ အခမ်းအနားကို ရုပ်သိမ်းခဲ့ကာ နေ့ဆွမ်းဆက်ကပ်လှူဒါန်းခဲ့ကြောင်း သတင်းရရှိသည်။
သက်ဖြိုးကြိုင်
https://t.me/MyanmarNationalPost
No comments:
Post a Comment