ကြံခင်းမြို့နယ်၌ ၂၀၂၄-၂၀၂၅ ပညာသင်နှစ် တက္ကသိုလ်ဝင်တန်းစာမေးပွဲတွင် ဘာသာစုံဂုဏ်ထူးရှင် တစ်ဦးနှင့် ၅ ဘာသာဂုဏ်ထူးရှင် တစ်ဦးထွက်ရှိပြီး အောင်ချက် ၆၅.၄၅ ရာခိုင်နှုန်းရှိ

ကြံခင်း၊ ဇူလိုင်  ၂၇

၂၀၂၄-၂၀၂၅ ပညာသင်နှစ် တက္ကသိုလ်ဝင်တန်းစာမေးပွဲအောင်မြင်သူများစာရင်းအား မြန်မာ နိုင်ငံတစ်ဝှမ်းရှိ မြို့နယ်ပညာရေးမှူးရုံးများနှင့် စာစစ်ဌာနများတွင် ယနေ့ နံနက်ပိုင်းမှစတင်၍ ထုတ်ပြန်လျက်ရှိရာ ကြံခင်းမြို့နယ်၌ တက္ကသိုလ်ဝင်တန်းစာမေးပွဲတွင် ဘာသာစုံဂုဏ်ထူးရှင် တစ်ဦးနှင့် ၅ ဘာသာဂုဏ်ထူးရှင် တစ်ဦးထွက်ရှိပြီး အောင်ချက်ရာခိုင်နှုန်း ၆၅.၄၅ ရာခိုင်နှုန်းအထိရှိကြောင်း မြို့နယ်ပညာရေးမှူးရုံးမှ သိရသည်။ 

ကြံခင်းမြို့နယ်ရှိ စာစစ်ဌာန ၅ ခုတွင် ၂၀၂၄-၂၀၂၅ ပညာသင်နှစ်တက္ကသိုလ်ဝင်တန်း စာမေးပွဲဝင်ရောက်ဖြေဆိုသူ ကျောင်းသား/ကျောင်းသူ စုစုပေါင်း ၄၉၅ ဦးရှိကာ အောင်မြင်သူ ၃၂၄  ဦးရှိပြီး အောင်ချက်ရာခိုင်နှုန်းမှာ ၆၅.၄၅ ရာခိုင်နှုန်းဖြင့်အောင်ခဲ့ကြရာတွင် ဘာသာစုံဂုဏ်ထူးရှင် ၁ ဦး၊ ငါးဘာသာဂုဏ်ထူးရှင် ၁ ဦး၊ လေးဘာသာဂုဏ်ထူးရှင် ၄ ဦး၊ သုံးဘာသာဂုဏ်ထူးရှင် ၁၁ ဦး၊ နှစ်ဘာသာ ဂုဏ်ထူးရှင် ၁၂ ဦးနှင့် တစ်ဘာသာဂုဏ်ထူးရှင် ၂၄ ဦးရှိကာ တက္ကသိုလ်ဝင်တန်း အောင်စာရင်းအား ကျောင်းသား၊ ကျောင်းသူများနှင့် ကျောင်းသားမိဘများက လာရောက်ကြည့်ရှုလျက်ရှိပြီး ကြံခင်းမြို့မရဲစခန်းမှူးနှင့် တပ်ဖွဲ့ဝင်များက အောင်စာရင်းလာရောက်ကြည့်ရှုသူများစိတ်အေးချမ်းသာစွာဖြင့် ကြည့်ရှုနိုင်စေရန် ဝိုင်းဝန်းကူညီဆောင်ရွက်ပေးလျက်ရှိကြောင်း သိရသည်။

ဖြိုးဝေလင်း

https://t.me/MyanmarNationalPost