ပေါင်မြို့နယ်၊ ကဒုံစီးရပ်ကွက်၌လူသုံးကုန်ထုတ်လုပ်မှုနည်းပညာသင်တန်းဖွင့်ပွဲပြုလုပ်

ပေါင် ၊ ဇူလိုင် ၁၆

မွန်ပြည်နယ်၊ ပေါင်မြို့နယ်၊ ကဒုံစီးရပ်ကွက်၌ လူသုံးကုန်ထုတ်လုပ်မှုနည်းပညာသင်တန်းဖွင့်ပွဲကို  ယနေ့ နံနက် (၁၀)နာရီက ပေါင်မြို့နယ်အထွေထွေအုပ်ချုပ်ရေးဦးစီးဌာန ဝါရီရူခန်းမ၌ ပြုလုပ်ခဲ့ရာ မွန်ပြည်နယ် အ သေးစားစက်မှုလက်မှုလုပ်ငန်းဦးစီးဌာန ပြည်နယ်အသေးစား စက်မှုလက်မှုလုပ်ငန်းဦးစီးဌာန ဒုတိယညွှန်ကြားရေးမှူးဒေါ်အိကလျာနိုင်၊ မြို့နယ်စီမံအုပ်ချုပ်ရေးအဖွဲ့ အဖွဲ့ဝင် ဗိုလ်မှူးကျော်နိုင်ဦးနှင့်အဖွဲ့ဝင်များ၊ သထုံခရိုင် အသေးစားစက်မှုလက်မှုလုပ်ငန်း ဦးစီးဌာနမှလက်ထောက်ညွှန်ကြားရေးမှူး ဦးခွန်ထွန်းထွန်းလှနှင့်ဝန်ထမ်းများ၊ ပေါင်မြို့နယ် ဌာနဆိုင်ရာများ၊ ကဒုံစီးရပ်ကွက် အုပ်ချုပ်ရေးမှူးဦးအောင်မျိုးဦး၊ စီမံကိန်းကော်မတီအဖွဲ့ဝင်များ၊ နှင့်သင်တန်းသူများ တက်ရောက်ခဲ့သည်။

ရှေးဦးစွာ မြို့နယ်စီမံအုပ်ချုပ်ရေးအဖွဲ့  အဖွဲ့ဝင် ဗိုလ်မှူးကျော်နိုင်ဦး က အသေးစား ကုန်ထုတ်လုပ်ငန်းများ ဖန်တီးပေးနိုင်ရေးနှင့် ကျေးလက်နေ မိသားစုဝင်ငွေတိုးရေးစီမံကိန်း လူသုံးကုန် ထုတ်လုပ်မှုနည်းပညာသင်တန်းဖွင့်လှစ်ခြင်းဖြင့် ကျေးလက်နေပြည်သူများ အလုပ်အကိုင်အခွင့်အလမ်းများ ပေါ်ပေါက်လာမည်ဖြစ်ပါကြောင်း အမှာစကားပြောကြားသည်။

ဆက်လက်၍ သထုံခရိုင်အသေးစား စက်မှုလက်မှု လုပ်ငန်းဦးစီးဌာန မှလက်ထောက်ညွှန်ကြားရေးမှူး ဦးခွန်ထွန်းထွန်းလှက သင်တန်းဖွင့်လှစ်ရခြင်း၏ ရည်ရွယ်ချက်များကို ရှင်းလင်းပြောကြားခဲ့ပြီး၊ မွန်ပြည်နယ်အ သေးစားစက်မှုလက်မှုလုပ်ငန်းဦးစီးဌာနမှ ပြည်နယ်ဦးစီးမှူး ဒေါ်အိကလျာနိုင်နှင့် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးထင်လင်းအောင်တို့က သင်ထောက်ကူပစ္စည်းများကို သင်တန်းသူတစ်ဦးချင်းထံ ပေးအပ်ခဲ့ပြီး  မှတ်တမ်းဓာတ်ပုံများရိုက်ကူးခဲ့ကြသည်။

အဆိုပါသင်တန်းကို သင်တန်းဆရာ (၂)ဦးက သင်တန်းသား ( ၁၀ )ဦးတို့ဖြင့် ( ၇ )ရက်ကြာ ဖွင့်လှစ်သွားမည်ဖြစ်ကြောင်း သိရသည်။

မွန်မလေး 

https://t.me/MyanmarNationalPost