အမေရိကန် သေနတ်ကိုင်ဆောင်မှုက ကြောက်စရာကောင်းနေပါပြီ၊ အပြစ်မဲ့တဲ့သူတွေ အလကား အသက်ဆုံးရှုံးနေရ

ဇူလိုင် - ၂၉ ( အင်္ဂါနေ့ ) 

မနေ့ကညနေပိုင်းမှာ မစ်တောင်းမန်ဟက်တန်ရှိ အထပ်မြင့်ရုံးခန်း အဆောက်အအုံအတွင်းကနေ သေနတ်သမားတစ်ဦးရဲ့ သေနတ်ဖြင့် ပစ်ခတ်မှုကြောင့် နယူးယောက်စီးတီး ရဲအရာရှိတစ်ဦးအပါအဝင် အနည်းဆုံး လူလေးဦး သေဆုံး ခဲ့ပါတယ် ။ အဲ့ဒိလူက နောက်ဆုံးမှာ ကိုယ့်ကိုယ်ကို ပစ်သတ်ပြီး အဆုံးစီရင်လိုက်ပါတယ်။ 

ဂျေပီမော်ဂန်၊ ကေပီအမ်ဂျီ၊ ဒက်ရှေးဘဏ်၊ ဘလက်စတုန်း၊ အန်အက်ဖ်အယ်လ် အစရှိတဲ့ အခြားသော ကုမ္ပဏီကြီးရုံးခန်းများ တည်ရှိတဲ့ ၄၄ ထပ် မိုးမျှော်တိုက် ၃၄၅ မှာ  ဒေသစံတော်ချိန် ညနေ ၆နာရီခွဲလောက်က ဖြစ်ပွားခဲ့တာပါ။  သေနတ်နဲ့ ပစ်ခတ်တဲ့သူက စွမ်းရည်မြင့် M4 ရိုင်ဖယ်သေနတ် နဲ့ ပတ်ခဲ့တာပါ။ သေနတ်သမားက ၃၃ ထပ်ရှိ ဧည့်ခန်းအတွင်းကနေ သေနတ်ဖြင့် ပစ်ခတ်ခဲ့ပြီး ရင်ဘတ်တွင် သေနတ်ဒဏ်ရာဖြင့် သေဆုံးနေတာကို တွေ့ရှိခဲ့တယ်လို့ ရဲတပ်ဖွဲ့က ဆိုပါတယ်။ 

နယူးယောက် မြို့ လုံခြုံရေး နဲ့ ရဲအရာရှိများက လက်နက်အပြည့်အစုံနဲ့ မိုးမျှော်တိုက်ကို ဝင်ရောက်စီးနင်းပြီး အထဲက ဝန်ထမ်းများကို ရှာဖွေခဲ့ပါတယ်။ ရဲအရာရှိများက အထပ်တစ်ခုစီကို လုံခြုံအောင် ကာထားပြီး လူတစ်ဦးချင်းစီကို လက်မြှောက်ခိုင်းကာ တန်းစီ ထွက်သွားစေပါတယ်။ အနည်းဆုံး လူတစ်ဦးကို ရဲတပ်ဖွဲ့က သယ်ဆောင်လာပြီး မြေပြင်ပေါ်တွင် ဆေးကုသမှု ခံယူနေကြောင်း သိရပါတယ်။ 

နယူးယောက်ကွင်းဆေးရုံးမှ အေးဂျင့်များသည် စုံစမ်းစစ်ဆေးမှုတွင် အကူအညီပေးရန် တုံ့ပြန်ခဲ့ကြောင်း FBI မှ အတည်ပြုခဲ့ပါတယ်။ တနင်္လာနေ့ ညနှောင်းပိုင်းအထိတော့ ရဲတပ်ဖွဲ့က ပြည်သူတွေကို နောက်ထပ် ခြိမ်းခြောက်မှု မရှိဘူးလို့ အတည်ပြုခဲ့ပါတယ်။ "ယခုအချိန်တွင်၊ အခင်းဖြစ်ပွားရာကို ထိန်းချုပ်ထားပြီး တစ်ဦးတည်းသော သေနတ်သမားသေဆုံးသွားပါပြီ” လို့ နယူးယောက်ခ်ရဲတွေက အိတ်စ်ဆိုရှယ်မီဒီယာမှာ ပြောထားပါတယ် ။ 

သေနတ်သမားက လာဗီးဂတ်မှာ နေထိုင်သူ စိတ်ကျန်းမာရေး မှတ်တမ်းရှိသူ အသက် ၂၇ နှစ်အရွယ် ရှိန်း တာမူရာ လို့ ဖော်ထုတ်နိုင်ခဲ့ပါတယ်။ တိုက်ခိုက်မှုဖြစ်ရသည့် အကြောင်းရင်းကို စုံစမ်းစစ်ဆေးနေဆဲဖြစ်ပြီး အဆောက်အအုံ သို့မဟုတ် အခန်းငှားများအား သီးခြားပစ်မှတ်ထားခြင်း ရှိ၊ မရှိ ဆုံးဖြတ်ရန် အာဏာပိုင်များက လုပ်ဆောင်နေပါတယ်။ 

REF: RT

https://t.me/MyanmarNationalPost