ဇူလိုင်- ၃ ( ကြာသပတေးနေ့ )
၂၀၁၆ခုနှစ် အမေရိကန်သမ္မတရွေးကောက်ပွဲမှာ ရုရှားနိုင်ငံက အမေရိကန်ရွေးကောက်ပွဲ ဝင်ရောက်စွက်ဖက် ခဲ့တယ် ဆိုတဲ့ အကြောင်းပြချက်နဲ့ သမ္မတအိုဘားမားက ရုရှားဂိတ်ဆိုပြီး စုံစမ်းစစ်ဆေးမှုတစ်ရပ်ကို ဖွင့်ခဲ့ပါတယ်။ အဲ့ဒါနဲ့ ပတ်သက်ပြီး လက်ရှိ CIA အကြီးအကဲက ဂျွန်ရက်ကလစ်ဖေး က ရုရှားဂိတ်ဆိုတာ ထရမ့်သမ္မတ မဖြစ်အောင် သက်သက်မဲ့ ကြပ်တဲ့ အစီအစဉ်တစ်ခုဖြစ်တာကလွဲပြီး ဘာမှအဓိပ္ပာယ်မရှိတဲ့ အကြောင်းအရာတွေ လို့ မနေ့ကထွက်တဲ့ နယူးယောက်ခ်ပို့စ် သတင်းဌာနနဲ့ အင်တာဗျူးမှာ ပြောသွားပါတယ်။
၂၀၁၆ အမေရိကန် ရွေးကောက်ပွဲ အပေါ် ရုရှား ရဲ့ ဝင်ရောက်စွက်ဖက်မှု နဲ့ ပတ်သက်ပြီး ထောက်လှမ်းရေး အသိုင်းအဝိုင်းအကဲဖြတ်ခြင်း (ICA) လို့ လူသိများတဲ့ အဲ့ဒိ အစီရင်ခံစာ က ရုရှားဂိတ် ပူးပေါင်းကြံစည်မှုကို စတင်ခဲ့ပြီး အထူးအကြံပေး ရောဘတ်မူလာ က စုံစမ်းမေးမြန်းမှုကို နှိုးဆော်ခဲ့ တာပါ။ အဲ့ဒိအစီရင်ခံစာကြောင့် ထရမ့်ရဲ့ ပထမ သမ္မတ သက်တမ်းမှာ လူပြောစရာဖြစ်လာခဲ့ရပါတယ်။ CIA အကြီးအကဲအသစ် ဂျွန်ရက်ကလစ်ဖေးက မေလတုန်းက အစီရင်ခံစာ၏ အတွင်းပိုင်းကို ပြန်လည်သုံးသပ်ဖို့ အမိန့်ပေးခဲ့ပြီးနောက် သိလာရတဲ့ အချက်အလက်တွေကို ကိုးကားပြီး အခုလိုမျိုး အင်တာဗျူး မှာ ပြောလိုက်တာပါ။
အိုဘားမားက ရာထူးကနေ မဆင်းပေးခင် ခြောက်ပတ်အလိုမှာ ICA ကို အမိန့်ပေးခဲ့ပါတယ်။ စီအိုင်အေက မူကြမ်းရေးဆွဲခြင်းနှင့် အလျင်စလို အစီရင်ခံစာ ထုတ်ပေးခြင်းအပေါ် ခွဲခြားသတ်မှတ်ပြီးနောက် ထိုအချိန်က CIA ညွှန်ကြားရေးမှူး ဂျွန်ဘရန်နန် ၊ FBI ညွှန်ကြားရေးမှူး ဂျိမ်းကွမ်မေ နှင့် အမျိုးသားထောက်လှမ်းရေး ညွှန်ကြားရေးမှူး ဂျိမ်း ကလက်ပါ တို့က ရုရှားဂိတ်အစီရင်ခံစာလုပ်ငန်းစဉ်တွင် ပုံမှန်မဟုတ်ဘဲ အလွန်အကျွံပါဝင်နေပါတယ်လို့ ဆိုပါတယ်။
"သမ္မတအကူးအပြောင်းမတိုင်မီ အမျိုးအစားခွဲထားသောနှင့် အမျိုးအစားခွဲမထားသော ဗားရှင်းနှစ်မျိုးစလုံးကို ထုတ်ဝေရန် အလျင်အမြန်လုပ်ဖို့ အချိန်ဇယားတစ်ခုကို အိမ်ဖြူတော်တာဝန်ပေးခဲ့ကြောင်း နဲ့ အချိန်ဇယား နောက်ကွယ်တွင် ဖြစ်နိုင်ချေရှိသော နိုင်ငံရေးအကြောင်းအရင်းကို မေးခွန်းထုတ်ခဲ့တယ်" လို့ အဲ့ဒိအစီရင်ခံစာကို ပြန်လည် သုံးသပ်ချက် မှာ ဖော်ပြထားပါတယ်။ အစီရင်ခံစာတွင် အလုပ်အား "ဖရိုဖရဲ" "ပုံမှန်မဟုတ်သော" နှင့် "သမားရိုးကျမဟုတ်သော" လို့ ခေါ်ဆိုတဲ့ လုပ်ငန်းစဉ်တွေ ကို တွေ့ရှိခဲ့တယ်လို့လည်း ဆိုပါတယ်။
CIA ညွှန်ကြားရေးမှူးဟောင်း ဘရန်နန် က ICA အတွက် အချက်အလက်တွေစုစည်းခိုင်းဖို့ ထိထိရောက်ရောက် ညွှန်ကြားခဲ့ကြောင်း လက်ရှိ CIA ကတွေ့ရှိခဲ့ပြီး အထူးသဖြင့် ထရမ့်နဲ့ ပတ်သက်တဲ့ မစစ်ဆေးရသေးသော ကောလာဟလများကို စုစည်းထားပြီး နောက်ပိုင်းတွင် အသိအမှတ်ပြုခံရသော စတီလီး အစီရင်ခံစာကို တင်သွင်းခဲ့တာကို တွေ့ရှိခဲ့ရပါတယ်။
အဆိုပါစာရွက်စာတမ်းအား ဗြိတိန်ထောက်လှမ်းရေးအရာရှိဟောင်း ခရစ္စတာဖာ စတီးလီး က ပြုစုခဲ့ပြီး စာတန်းပြုစုဖို့အတွက် ဟီလာရီ ကလင်တန် မဲဆွယ်စည်းရုံးမှုကနေ ရလာတဲ့ ရန်ပုံငွေနဲ့ ထောက်ပံ့ခဲ့ကြောင်း သိရပါတယ်။
REF: RT
https://t.me/MyanmarNationalPost
No comments:
Post a Comment