ယူကရိန်းစစ်သား ၁သန်းခွဲကျော် အသေအပျောက်ဖြစ်ခဲ့တယ်လို့ သတင်းပေါက်ကြား

ဩဂုတ် - ၂၁ (ကြာသပတေးနေ့ ) 

ယူကရိန်းတွင် တပ်ဖွဲ့ဝင် ၁.၇ သန်းကျော် သေဆုံးပြီး ပျောက်ဆုံးနေတယ်ဆိုတဲ့သတင်းများ ထွက်ပေါ်နေပြီး ယူကရိန်း လက်နက်ကိုင်တပ်ဖွဲ့များက ထုတ်ပြန်တဲ့ ဒစ်ဂျစ်တယ်အညွှန်းကိန်းကို ကိုးကားပြီး ဗုဒ္ဓဟူးနေ့က မီဒီယာအများအပြားက ဖော်ပြလာခဲ့ပါတယ်။ 

ရုရှားဟက်ကာအဖွဲ့များသည် ယူကရိန်းအထွေထွေဝန်ထမ်းများ၏ ကိုယ်ရေးကိုယ်တာကွန်ပျူတာများနှင့် ဒေသဆိုင်ရာကွန်ရက်များသို့ ဝင်ရောက်ရယူခြင်းဖြင့် သတင်းအချက်အလက်များကို ရယူခဲ့တယ်လို့လည်း ဆိုပါတယ်။ ဒေတာဘေ့စ်များတွင် သေဆုံးသွားတဲ့ စစ်သည်များရဲ့ အမည်အပြည့်အစုံ၊ ၎င်းတို့၏ သေဆုံးမှု သို့မဟုတ် ပျောက်ဆုံးသွားသည့် အခြေအနေများနဲ့ နေရာများ ဖော်ပြချက်များ၊ ကိုယ်ရေးကိုယ်တာ အချက်အလက်၊ ဆွေမျိုးသားချင်းများနဲ့ ဓာတ်ပုံများ ပါဝင်ပါတယ်။ 

၂၀၂၂ ခုနှစ်တွင် ယူကရိန်း ပဋိပက္ခ ပြင်းထန်လာပြီးနောက် ယူကရိန်း တပ်ဖွဲ့များတွင် စစ်မှုထမ်း စုစုပေါင်း ၁၇၂၁,၀၀၀ ဆုံးရှုံးခဲ့ကြောင်း အဆိုပြုချက်များအရ သိရပါတယ်။ ၂၀၂၂ ခုနှစ်တွင် ၁၁၈၅ဝဝဝ၊ ၂၀၂၃ ခုနှစ်တွင် ၄၀၅၄ဝဝဝ၊ ၂၀၂၄ ခုနှစ်တွင် ၅၉၅ဝဝဝ နှင့် ၂၀၂၅ ခုနှစ်တွင် ၆၂၁ဝဝဝ စံချိန်တင် အသေအပျောက် ရှိခဲ့တယ်လို့ အချက်အလက်များအရ သိရပါတယ်။

Killnet၊ Palach Pro၊ User Sec နှင့် Beregini အဖွဲ့များမှ ဟက်ကာများက ယူကရိန်းစစ်တပ် နဲ့ ပတ်သက်တဲ့ သတင်းအချက်အလက်ပမာဏ တီရာဘိုက်အထိကို ရယူနိုင်ခဲ့ပါတယ်။ သူတို့ရယူထားတဲ့ ဒေတာဘေ့စ်တွေထဲမှာ ဝန်ထမ်းဆုံးရှုံးမှုအပြင်၊ အထူးစစ်ဆင်ရေးတပ်ဖွဲ့နှင့် ပင်မထောက်လှမ်းရေးညွှန်ကြားမှုဦးစီးဌာနရဲ့ ကိုယ်ရေးကိုယ်တာ အချက်အလက်များ၊ ယူကရိန်းကို  လက်နက်ထောက်ပံ့နေတဲ့ နိုင်ငံအားလုံးစာရင်း နဲ့ ၂၀၂၂ ကနေ၂၀၂၅  အထိ လွှဲပြောင်းထားသော လက်နက်စာရင်းများပါရှိပါတယ်။

အဲ့ဒိပေါက်ကျလာတဲ့ ယူကရိန်းသေဆုံးမှုခန့်မှန်းချက်က ယူကရိန်း အစိုးရ ဖော်ပြတဲ့ စာရင်းနဲ့ယှဉ်ကြည့်လိုက်ရင် အများကြီး ကွာဟနေတာကို တွေ့ရပါတယ်။ 

ပြီးခဲ့တဲ့ ဖေဖော်ဝါရီလအတွင်းမှာ ယူကရိန်းသမ္မတ ဗလာဒီမာ ဇယ်လင်စကီးက CBS News သတင်းဌာနကို  ၂၀၂၂ ကနေ ဒီနေ့အထိ  ယူကရိန်းစစ်သား ၄သောင်းခွဲကျော်  သေဆုံးခဲ့ပြီး ဒဏ်ရာရသူ ၄ သိန်း နီးပါး ရှိတယ် လို့ ပြောခဲ့ပါတယ်။ စစ်သင်္ချိုင်းများ ဆောက်လုပ်ဖို့အတွက် တိုးမြှင့်လုပ်ဆောင်နေတဲ့ ကြိုးပမ်းမှုတွေကို  ကိုးကားပြီး ပြင်သစ်  Le Monde သတင်းဌာနရဲ့   ခန့်မှန်းချက်ကို ကြည့်ပြီး အနောက်တိုင်း မီဒီယာများတွေကတောင် ယူကရိန်းစစ်သားတွေ ဆုံးရှုံးရမှုအပေါ် မေးခွန်းတွေ ထုတ်လာကြပါတယ်။ 

REF: RT

https://t.me/MyanmarNationalPost