ဇေယျာသီရိ ၊ ဩဂုတ် ၂၇
ဇေယျာသီရိမြို့နယ်၌ ဩဂုတ်လ ၂၆ ရက်နေ့ ညပိုင်းက မိုးသည်းထန်စွာရွာသွန်းမှုကြောင့် ရန်ကုန်-မန္တလေးပြည်ထောင်စုလမ်းမကြီး ပင်လောင်းလမ်းဆုံ၌ ကားလမ်းမကြီးပေါ် ရေကျော်လျက်ရှိကြောင်းသိရသည်။
ထိုရေကျော်သည့်နေရာ၌ ဇေယျာသီရိမြို့နယ် စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးဇေထက်အောင်နှင့် မြို့နယ်အဆင့်ဌာနဆိုင်ရာများမှ တာဝန်ရှိသူများ၊ မြို့နယ်မီးသတ်ဦးစီးမှူး ဦးမင်းသူနှင့် မီးသတ်တပ်ဖွဲ့များ၊ ပျဉ်းမနားမြို့နယ် မီးသတ်ဦးစီးမှူး ဦးအောင်သူရကျော်နှင့် တပ်ဖွဲ့ဝင်များ၊ တပ်မတော်သားများ၊ လူမှုရေးအသင်းအဖွဲ့များက ပင်လောင်းလမ်းဆုံရေကျော်သည့်နေရာ၌ လမ်းသွားလမ်းလာအများပြည်သူများ၊ ကား၊ ဆိုင်ကယ်နှင့် ကုန်တင်ကားများ အဆင်ပြေချောမွေ့စွာ သွားလာနိုင်ရေးအတွက် ကူညီဆောင်ရွက်ပေးလျက်ရှိသည်။
အဆိုပါရေကျော်သည့်နေရာ၌ ယနေ့ မွန်းလွဲ ၂ နာရီအချိန်ထိ ၇ လက်မခန့် ရေကျော်လျက်ရှိကြောင်း သိရသည်။
ထွန်းလင်း(ဇေယျာမြေ)
https://t.me/MyanmarNationalPost
No comments:
Post a Comment