လေရှီး ၊ ဩဂုတ် ၂၅
စစ်ကိုင်းတိုင်းဒေသကြီး၊ နာဂကိုယ်ပိုင်အုပ်ချုပ်ခွင့်ရဒေသ၊ လေရှီးမြို့ လေရှီး-ဆွမ္မရာလမ်းပိုင်း ၄၂မိုင် ၃ဖာလုံနှင့် ၄ဖာလုံအကြား၊ မဂါးပွားချောင်းတွင် ချောင်းရေတိုက်စားမှုကြောင့် ၁၈ပေ၊ ၂၄ပေရှိ Box Culvert ပြိုကျပျက်စီးသွားခဲ့ပြီး အဆိုပါပြိုကျပျက်စီးနေမှုအား နာဂဒေသစီမံခန့်ခွဲရေးနှင့် အုပ်ချုပ်ရေးကော်မတီအဖွဲ့ဝင် ဦးလှထွန်း၊ ဒုတိယမြို့နယ်အုပ်ချုပ်ရေးမှူး ဦးဝင်းနိုင်မြင့်နှင့် မြို့နယ်အဆင့်ဌာနဆိုင်ရာဝန်ထမ်းများ ပူးပေါင်း၍ သွားရောက်ပြုပြင် ဆောင်ရွက်ခဲ့ကြောင်း သိရသည်။
ထိုသို့သွားရောက်ဆောင်ရွက်ရာတွင် မြို့နယ်လမ်းဦးစီးဌာနမှ နေ့လယ်စာများ ကျွေးမွေးဧည့်ခံခဲ့ပြီး ညနေ(၁၆:၃၀)အချိန်ခန့်တွင် ပြိုကျပျက်စီးနေသည့်လမ်းအပိုင်းကို ပြုပြင်ဆောင်ရွက်နိုင်ခဲ့ကာ မော်တော်ယာဉ်များ ဖြတ်သန်းသွားလာနိုင်ပြီဖြစ်ကြောင်း သိရသည်။ ယာယီသစ်သားတံတားဆောက်လုပ်ရာတွင် စုစုပေါင်းအင်အား (၆၂)ဦးခန့် ပါဝင်ဆောင်ရွက်ခဲ့ကြောင်း သတင်းရရှိသည်။
လေရှီး
https://t.me/MyanmarNationalPost
No comments:
Post a Comment