သနပ်ပင် ၊ စက်တင်ဘာ ၁၁
ပဲခူးတိုင်းဒေသကြီး၊ ပဲခူးခရိုင်၊ သနပ်ပင်မြို့နယ်တွင် ကျောင်းသားအားကစားပြိုင်ပွဲအတွက် မြို့နယ်အဆင့်အရည်အချင်းပြည့်မီသော ထူးချွန်အားကစားသမားများစေလွှတ်နိုင်ရေး မြို့နယ်အဆင့်ကျောင်းပေါင်းစုံပဏာမလူရွေးချယ်ပွဲကို စက်တင်ဘာလ ၉ ရက်နေ့နံနက် ၈ နာရီကစတင်၍ ပြည်သူ့အားကစားကွင်းနှင့် မိုးလုံလေလုံ အားကစားကွင်းတို့တွင် ပြုလုပ်ဆောင်ရွက်ခဲ့ သည်။
လူရွေးပွဲတွင် မြို့နယ်အတွင်းရှိအခြေခံပညာကျောင်းပေါင်းစုံမှ အသက်(၁၈)နှစ်အောက် ကျောင်းသား/ကျောင်းသူများက ဘောလုံး(ကျား/မ)၊ ဘော်လီဘော (ကျား/မ)၊ ပိုက်ကျော်ခြင်း(ကျား/မ)နှင့် စားပွဲတင်တင်းနစ်(ကျား/မ)နှင့် ပြေးခုန်ပစ်(ကျား/မ)အားကစားနည်းများကို ယှဉ်ပြိုင်လျက်ရှိရာ ဆရာ/ဆရာမများနှင့် ကျောင်းသား၊ ကျောင်းသူများက ကြည့်ရှုအားပေးခဲ့ကြပြီး ဒု-မြို့နယ်ပညာရေးမှူး ဦးနေအောင်နှင့်တာဝန်ရှိသူများ၊ အ.ထ.က ကျောင်းအုပ်ကြီးများက ပြိုင်ပွဲကို စနစ်တကျကြီးကြပ်ဆောင်ရွက်ပေးလျက်ရှိသည်။
အဆိုပါ မြို့နယ်အဆင့်ကျောင်းပေါင်းစုံပြိုင်ပွဲများတွင် သက်ဆိုင်ရာအားကစားနည်းအလိုက်ရွေးချယ်ခြင်းခံရသည့် ကျောင်းသား၊ ကျောင်းသူများသည် ခရိုင်အဆင့်တွင် ထပ်မံရွေးချယ်ခံပြီး တိုင်းနှင့်ပြည်နယ်အဆင့် ကျောင်းသားအားကစားပွဲတော်၌ သွားရောက်ယှဉ်ပြိုင်ရမည်ဖြစ်ကြောင်း သိရသည်။
အောင်မြင့်မြတ်
https://t.me/MyanmarNationalPost
No comments:
Post a Comment