ဟင်္သာတ၊ စက်တင်ဘာ ၂
ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့တွင် ၂၀၂၅ -၂၀၂၆ ခုနှစ် မိုးစပါး နိုင်ငံ့စီးပွားမြှင့်တင်ရေး အစီအစဥ်ဖြင့် အကျုံးမဝင်သော တောင်သူများအား ပန်းတိုင်အထွက်နှုန်းရရှိရေးအတွက် သွင်းအားစု ဓာတ်မြေသြဇာများ တိုက်ရိုက်သက်သာစွာ ဖြန့်ဖြူးပေးအပ်ပွဲကို ယနေ့မွန်းလွဲ ၂ နာရီက မြို့နယ်စိုက်ပျိုးရေးဦးစီးဌာနမှူးရုံး အစည်းဝေးခန်းမတွင် ကျင်းပခဲ့သည်။
ေရှးဦးစွာ ဟင်္သာတခရိုင် စိုက်ပျိုးထုတ်လုပ်မှု တိုးတက်မြင့်မားရေး ကြီးကြပ်မှုလုပ်ငန်းအကောင်အထည်ဖော်ရေးကော်မတီ ဥက္ကဋ္ဌ ဦးလှိုင်ထွန်းက တောင်သူများအနေဖြင့် ပြင်ပပေါက်ဈေးနှုန်းထက် သက်သာသောဈေးနှုန်းဖြင့် ဝယ်ယူနိုင်စေရန် သီးနှံပေါ် ပေးစနစ်ဖြင့် တောင်သူများ အဆင်ပြေစေရန်နှင့် ဓာတ်မြေဩဇာများ အသုံးပြုပြီး မိုးစပါး ပန်းတိုင်အထွက်နှုန်း တိုးစေရေးအတွက် ဆောင်ရွက်ပေးခြင်းဖြစ်ကြောင်း အဖွင့်အမှာစကား ပြောကြားခဲ့သည်။ ထို့နောက် ဟင်္သာတမြို့နယ် စိုက်ပျိုးရေးဦးစီးဌာနမှူး ဦးစောဝင်းရွှေနှင့် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှူး ဒေါ်ဆွေဆွေဝင်းတို့က ဟင်္သာတမြို့နယ်အရောက် စျေးနှုန်းသက်သာစွာ သီးနှံပေါ်ပေးစနစ်ဖြင့် ဖြန့်ဖြူးပေးလျက်ရှိသည့် အခြေအနေနှင့် ယူရီးယားဓာတ်မြေသြဇာ တစ်မျိုးတည်းသုံးစွဲပါက နိုက်ထရိုဂျင်လေလွင့်ဆုံးရူံးမူ ပမာဏများပြားနိုင်သဖြင့် မဖြစ်မနေ သဘာဝမြေသြဇာသုံးဆနှင့် ရောစပ်အသုံးပြုရန်၊ ကွန်ပေါင်းမြေသြဇာအား မြေခံအဖြစ်အဖြစ် ထည့်သွင်းအသုံးပြုပါက ပိုမိုအကျိုးဖြစ်ကြောင်းကို ရှင်းလင်းပြောကြားခဲ့ပါသည်။ ဆက်လက်၍ ဟင်္သာတခရိုင် စိုက်ပျိုးထုတ်လုပ်မှု တိုးတက်မြင့်မားရေးကြီးကြပ်မှုလုပ်ငန်းအကောင်အထည်ဖော်ရေးကော်မတီ ဥက္ကဋ္ဌ ဦးလှိုင်ထွန်းနှင့် တာဝန်ရှိသူများက ဟင်္သာတမြို့နယ်အတွင်းရှိ ကျေးရွာအုပ်စု( ၃၄)အုပ်စုမှ တောင်သူများအတွက် ဖြိုးမောက်ယူရီးယားဓာတ်မြေဩဇာ(၁၅၁၈)အိတ်၊ ဩဘာယူရီးယားမြေဩဇာ (၂၁၅၅)အိတ် ၊ ဩဘာကွန်ပေါင်းဓာတ်မြေသြဇာ(၁၄၂၂)အိတ်၊ စုစုပေါင်း (၅၀၉၅) အိတ် တို့ကို ပေးအပ်ခဲ့ကြသည်။
https://t.me/MyanmarNationalPost
No comments:
Post a Comment