ဝါးခယ်မ ၊ စက်တင်ဘာ ၆
၂၀၂၅ ခုနှစ်၊ အောက်တိုဘာလ ၁ ရက်နေ့တွင် ကျရောက်မည့် (၆၁) နှစ်မြောက် မြန်မာနိုင်ငံရဲတပ်ဖွဲ့နေ့ကို ကြိုဆိုဂုဏ်ပြုသောအားဖြင့် ဝါးခယ်မမြို့နယ် ရဲတပ်ဖွဲ့ဝင်များက စုပေါင်းသန့်ရှင်းရေးဆောင်ရွက်ခြင်းကို စက်တင်ဘာလ ၆ ရက် နံနက် ၇ နာရီခွဲက စာရေးကုန်းရပ်ကွက်၊ ရန်အောင်မြင်ကပ်ကာ စေတီတော်မြတ်ကြီး ဝင်းအတွင်း၌ ပြလုပ်ခဲ့သည်။
ယင်းသို့ ဆောင်ရွက်ရာတွင် ဝါးခယ်မမြို့နယ် မြို့နယ်ရဲတပ်ဖွဲ့မှူး ရဲမှူးဝင်းညွန့် ဦးဆောင်ကာ ရဲတပ်ဖွဲ့ဝင်များ၊ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဝင်များ၊ မီးသတ်တပ်ဖွဲ့နှင့်ရဲတပ်ဖွဲ့မိသားစုဝင်များ၊ သတင်းရဲတပ်ဖွဲ့ စုစုပေါင်း ၉၁ ဦးတို့မှ စေတီတော်ဝင်းအတွင်းရှိ ခြုံနွယ်ပိတ်ပေါင်းများရှင်းလင်းခြင်း၊ စေတီတော်မြတ်ကြီးအား ရေသပ္ပါယ်ခြင်း၊ ရင်ပြင်တော်အားသန့်ရှင်းရေးဆောင်ရွက်ခြင်း၊ ရေမြောင်းများတူးဖော်ရှင်းလင်းခြင်းတို့ကို စုပေါင်းဆောင်ရွက်ခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment