ကံမ ၊ စက်တင်ဘာ ၁
မကွေးတိုင်းဒေသကြီး၊ သရက်ခရိုင်၊ ကံမမြို့နယ်တွင် ယမန်နေ့ ည ၈ နာရီမှ စက်တင်ဘာလ ၁ ရက် နံနက် ၅ နာရီခန့်အထိ မိုးအဆက်မပြတ်ရွာသွန်းမှုကြောင့် ယနေ့နံနက် ၇ နာရီခန့်တွင် သာဇီကျေးရွာအနီး ငဝတ်ချောင်းရေကြီးရေလျှံမှုကြောင့် ချောင်းအနီးရှိ လူနေအိမ် ၁၈ လုံး၊ နွားလှည်းနှစ်စီး၊ စပါးကျီနှစ်လုံးနှင့် စပါးတင်း၂၂၀ ချောင်းရေနှင့်အတူ မျောပါပျက်စီးခဲ့သည်။
ထို့ပြင် လူခုနစ်ဦးမှာလည်း ချောင်းရေနှင့်မျောပါသွားသဖြင့် ကျေးရွာအုပ်စုအုပ်ချုပ်ရေးအဖွဲ့မှ လိုက်လံရှာဖွေခဲ့ရာ (၆) ဦးကို ပြန်လည်ကယ်ဆယ်နိုင်ခဲ့ပြီး (၁) ဦးမှာပျောက်ဆုံးနေသဖြင့် ဆက်လက်ရှာဖွေလျက်ရှိသည်။
အဆိုပါနေရာသို့ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္က ဦးဇော်မင်းနိုင်နှင့် တာဝန်ရှိသူများက သွားရောက်ပြီး ကူညီကယ်ဆယ်ရေးလုပ်ငန်းများကို သွားရောက်ကြီးကြပ် ဆောင်ရွက်ပေးလျက်ရှိကြောင်း သိရသည်။
https://t.me/MyanmarNationalPost
No comments:
Post a Comment