မန္တလေး၊ စက်တင်ဘာ ၁၂
“ဗုဒ္ဓံ သရဏံ ဂစ္ဆာမိ” သီချင်းကို တီးခတ်ခဲ့သည့် DJ Violet အား တာဝန်ရှိသူများက ဖမ်းဆီးပြီး မန္တလေးမြို့မှ COVER ကလပ် အား ချိတ်ပိတ်အရေးယူထားကြောင်း သိရသည်။
မန္တလေးမြို့၊ မဟာအောင်မြေမြို့နယ်၊ ရဲမွန်တောင်ရပ်ကွက်၊ ၅၃×၃၆လမ်းထောင့်ရှိ COVER ကလပ်ဆိုင်တွင် DJ Violet မှ “ဗုဒ္ဓံ သရဏံ ဂစ္ဆာမိ” အား DJ ဖွင့်ခဲ့ခြင်းအပေါ် ဝေဖန်မှုများ မြင့်တက်ခဲ့သည်။
သတင်းရင်းမြစ်တစ်ခု "Violet ကို ဖမ်းသွားတယ်ဆိုတဲ့ သတင်းကြားတယ်။ ဆိုင်ကိုတော့ ချိတ်ပိတ်ထားပြီ" ဟု ဆက်သွယ်ပြောဆိုသည်။
DJ Violet က “ဗုဒ္ဓံ သရဏံ ဂစ္ဆာမိ” သီချင်းကို ကလပ်တွင် DJ ဖြင့် တီးခတ်ဖျော်ဖြေမှုရုပ်သံများ ထွက်ပေါ်လာပြီးနောက် တရားစွဲဆိုရန် စီစဉ်ဆောင်ရွက်မှုများ ကြားသိလာရပြီး DJ Violet က ဆရာတော်ထံ သွားရောက်တောင်းပန်ခဲ့သည့်စာလည်း လူမှုကွန်ရက်တွင် ပျံ့နှံ့လျက် ရှိသည်။
လူမှုကွန်ရက် tiktok ပလက်ဖောင်းပေါ်တွင် ဗုဒ္ဓံ သရဏံ ဂစ္ဆာမိ အပါအဝင် ဓမ္မစကူးကျောင်းသားများကို သင်ကြားပေးသည့် ယဉ်ကျေးလိမ္မာသီချင်းကိုလည်း Remix လုပ်၍ မဖွယ်မရာ ကပြဖျော်ဖြေသည့် ရုပ်သံများ ထွက်ပေါ်လျက်ရှိသည်။ AI ဖြင့် ဖန်တီး၍ အမျိုးသမီးများ က ဘုရားစေတီပေါ်တက်သည့် ရုပ်သံများလည်း ဖန်တီးဖြန့်ဝေလျက်ရှိသည်။
https://t.me/MyanmarNationalPost
No comments:
Post a Comment