လဲချား၊ အောက်တိုဘာ ၁၄
ရှမ်းပြည်နယ်(တောင်ပိုင်း)၊ လဲချားမြို့နယ် အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ယမန်နေ့နံနက်(၁၀)နာရီအချိန်က မြို့နယ်ရွေးကောက်ပွဲကော်မရှင်အဖွဲ့ခွဲ အဖွဲ့ဝင်များ၊ ဌာနဆိုင်ရာများ၊ ရပ်ကျေးစာရေးများ၊ ရပ်ကွက်အုပ်ချုပ်ရေးမှူးများနှင့် ၂၀၂၅ ခုနှစ် အထွေထွေရွေးကောက်ပွဲ အောင်မြင်စွာ ကျင်းပနိုင်ရေး လုပ်ငန်းညှိနှိုင်းအစည်းအဝေးကျင်းပပြုလုပ်ခဲ့သည်။
ရှေးဦးစွာ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးနန်းတင့်က အဖွင့်အမှာစကား ပြောကြားပြီး ၂၀၂၅ ခုနှစ် ရွေးကောက်ပွဲဆိုင်ရာ ကိစ္စအရပ်များအား လည်းကောင်း၊ မြို့နယ်ရဲမှူးမှ လူဦးရေစာရင်းအချက်အလက်များနှင့် ပတ်သက်၍လည်းကောင်း၊ လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာနမှ မဲပေးပိုင်ခွင့်ရှိသည့် အသက်(၁၈)နှစ်ပြည့်ပီးသူများ မှတ်ပုံတင်ကိစ္စများနှင့်လည်းကောင်း၊ မြို့နယ်ကော်မရှင်ဦးစီးအရာရှိမှ ရွေးကောက်ပွဲဆိုင်ရာ ကိစ္စအရပ်ရပ်များကိုလည်းကောင်း ဖြည့်စွက်ဆွေးနွေးတင်ပြခဲ့ကြပြီး မြို့နယ်ကော်မရှင်အဖွဲ့ခွဲအဖွဲ့ဝင်များက တာဝန်ကျရာကဏ္ဍအလိုက် အသီးသီးဆွေးနွေးခဲ့ကြပြီးအစည်းအဝေးသို့ တက်ရောက်လာကြသည့် ဌာနဆိုင်ရာများက လုပ်ငန်းများအပေါ် အသီးသီးဆွေးနွေးခဲ့ကြောင်း သိရသည်။
https://t.me/MyanmarNationalPost
No comments:
Post a Comment