အောက်တိုဘာ - ၂၇ ( တနင်္လာနေ့ )
သတ္တု အပိုင်းအစများပါဝင်ပြီး အစားအသောက် ညစ်ညမ်းစေနိုင်တာကြောင့် ကိုရီးယား အသင့်စား အသားကင်ပေါင် ၂ သန်းကျော်ကို အမေရိကားမှာ ပြန်လည်သိမ်းဆည်းခဲ့တယ်လို့ သိရပါတယ်။
ထုတ်ကုန်ကို အမေရိကန်နိုင်ငံတစ်ဝှမ်းမှာ Costco နဲ့ Sam's Club ဆိုင်တွေမှာ ရောင်ချခဲ့ကြတာပါ။ စားသုံးသူများကို စွန့်ပစ်ရန် သို့မဟုတ် ၎င်းတို့ဝယ်ယူသည့်နေရာသို့ ပြန်သွားရန် ညွှန်ကြားထားကြောင်း အမေရိကန် စိုက်ပျိုးရေးဌာနရဲ့ အစားအသောက် ဘေးကင်းရေးနှင့် စစ်ဆေးရေးဝန်ဆောင်မှုက သောကြာနေ့တွင် ပြောကြားခဲ့ပါတယ်။
၁၄ အောင်စ နဲ့ ၁၆ အောင်စ ပလပ်စတစ်အိတ်များဖြင့် ရောင်းချနေတဲ့ ကိုရီးယား ဘာဘီကျူ နဲ့ အသားကင်တွေကို စစ်ဆေးကြည့်တဲ့နေရာမှာ သတ္တုအမျှင်စလေးတွေ အများကြီး ပါဝင်နေလို့ ဆိုင်တွေကို လိုက်လံသိမ်းဆည်း ခဲ့သလို ဝယ်ထားပြီးသားသူတွေကလည်း စွန့်ပစ်ဖို့ နဲ့ ပြန်အပ်ဖို့ တိုက်တွန်းထားပါတယ်။
အဲ့ဒိကိစ္စကို လုပ်ဆောင်နေတဲ့ အေဂျင်စီက သူတို့ရဲ့ ဝက်ဘ်ဆိုက်မှာ ပြန်လည်သိမ်းဆည်းထားတဲ့ ကုန်ပစ္စည်းအများအပြား ရဲ့ ကုဒ်တွေနဲ့ ရက်စွဲများစာရင်းကိုလည်း ဖော်ပြထားပါတယ်။
ကုမ္ပဏီသည် ထုတ်ကုန်အတွင်း သတ္တုနန်းမျှင် အပိုင်းအစများကို တွေ့ရှိခဲ့တယ်လို့ သုံးစွဲသူများထံမှ တိုင်ကြားမှုများ လက်ခံရရှိခဲ့ပါတယ်။ အဲ့ဒိနန်းမျှင် အပိုင်းအစများကို ထုတ်လုပ်ရာတွင် အသုံးပြုတဲ့ ကွန်ဗေယာပြားတွေကနေ ထွက်လာတာလို့ ခြေရာခံရရှိခဲ့ပါတယ်။
REF: UPI
https://t.me/MyanmarNationalPost
No comments:
Post a Comment