အောက်တိုဘာ - ၆ ( တနင်္လာနေ့ )
ဘာရှာအာဆတ် အစိုးရ ပြုတ်ကျပြီးနောက်ပိုင်း ပထမဆုံး ပါလီမန် ရွေးကောက်ပွဲကို ဆီးရီးယားတွင် မနေ့က အောင်မြင်စွာ ကျင်းပပြီးဆုံးခဲ့ပါတယ်။ ဆီးရီးယားအာရပ်သမ္မတနိုင်ငံ ဗဟိုရွေးကောက်ပွဲကော်မရှင်က ရွေးချယ်ထားတဲ့ လူ ၇၀၀၀ မှ ၈၀၀၀ ကြားတွင် လွှတ်တော်အမတ် ၁၄၀ ကို ရွေးချယ်ထားပါတယ်။ အဖွဲ့ဝင် ၂၁၀ ရှိတဲ့ အဖွဲ့ထဲက ကျန်တဲ့ ကိုယ်စားလှယ် ၇၀ ကို ယာယီသမ္မတ အာမက်အယ်လ်ရှာရာ က ခန့်အပ်ရမှာ ဖြစ်ပါတယ်။ နောက်ဆုံးအမည်စာရင်းတွေကိုတော့ ဒီကနေ့မှာ ထုတ်ပြန်ကြေညာမှာပဲ ဖြစ်ပါတယ်။
ဆီးရီးယားအစိုးရ အရာရှိများ၏အဆိုအရ အမျိုးသမီး ၂၀၀ ကျော်အပါအဝင် ကိုယ်စားလှယ်လောင်း ၁,၅၀၀ ကျော်သည် ပြန်လည်သက်တမ်းတိုးနိုင်သော လ ၃၀ သက်တမ်းရှိမဲ့ ညီလာခံ အတွက် ဝင်ရောက်ယှဉ်ပြိုင် ခဲ့ကြပါတယ်။ အလာဝီတီ၊ ဒရုစ်နဲ့ ခရစ်ယာန်လူနည်းစုများ အစုလိုက်အပြုံလိုက် သတ်ဖြတ်ခြင်းကို ခံခဲ့ရတဲ့ ကာ့ဒ်လူမျိုးတွေ ထိန်းချုပ်ထားတဲ့ အရှေ့မြောက်ပိုင်းဒေသနှင့် ဒရူဇီလူမျိုး အများစုနေထိုင်သော တောင်ပိုင်း ဆီဝီဒါ ပြည်နယ်တို့က ဒမတ်စကတ်၏ ထိန်းချုပ်မှုအပြင်ဘက်တွင် ရှိနေသောကြောင့် ရွေးကောက်ပွဲမှ ဖယ်ထုတ်ခံခဲ့ရပြီး ၎င်းတို့ရဲ့ ထိုင်ခုံ ၃၂ နေရာသည် အလွတ်ကျန်နေမှာပဲ ဖြစ်ပါတယ်။
မတ်လတွင် ထုတ်ပြန်ခဲ့သည့် ယာယီဖွဲ့စည်းပုံအခြေခံဥပဒေအရ ပါလီမန်သည် အမြဲတမ်းဖွဲ့စည်းပုံအခြေခံဥပဒေကို အတည်ပြုပြီး ရွေးကောက်ပွဲအသစ် ကျင်းပသည်အထိ ဥပဒေပြုရေးဆိုင်ရာ လုပ်ငန်းဆောင်တာများကို လုပ်ဆောင်မှာပဲ ဖြစ်ပါတယ်။
ဆီးရီးယားနိုင်ငံသား သန်းပေါင်းများစွာ ပြည်ပထွက်ပြေးခြင်း သို့မဟုတ် စစ်ပွဲကြောင့် ပြည်တွင်းနေရပ် စွန့်ခွာခဲ့ရခြင်းတို့ကြောင့် ယခုချက်ခြင်း တိုက်ရိုက်ရွေးကောက်ပွဲများကို ကျင်းပရန် မဖြစ်နိုင်ကြောင်း အယ်လ်ရှာရာ က ပြောထားဖူးပါတယ်။
မေလမှာ အမေရိကန်သမ္မတ ဒေါ်နယ်ထရမ့်က အယ်လ်ရှာရာ နဲ့ တွေ့ဆုံပြီး ပိတ်ဆို့မှုအများစုကို ရုတ်သိမ်းကြောင်း ကြေညာခဲ့ပါတယ်။ အယ်လ်ရှာရာကတော့ ထရမ့်ရဲ့ ဆုံးဖြတ်ချက်က "ဆီးရီးယားပြည်သူများ၏ ဆင်းရဲဒုက္ခများကိုသက်သာစေရန်၊ ၎င်းတို့ရဲ့ပြန်လည်မွေးဖွားခြင်းကို အထောက်အကူပြုရန်နှင့် ဒေသတွင်းတည်ငြိမ်မှုအတွက် အုတ်မြစ်ချပေးသည့် သမိုင်းဝင်ပြီးရဲရင့်သောဆုံးဖြတ်ချက် တစ်ခုဖြစ်တယ်” လို့ ချီးမွှမ်းခဲ့ပါတယ်။
REF: RT
https://t.me/MyanmarNationalPost
No comments:
Post a Comment