ဘိုကလေး ၊ အောက်တိုဘာ ၁၆
ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်တွင် ၂၀၂၅ခုနှစ် ပါတီစုံဒီမိုကရေစီအထွေထွေရွေးကောက်ပွဲအား မဲရုံပေါင်း(၂၆၅)ရုံဖွင့်လှစ်၍ ကျင်းပဆောင်ရွက်မည်ဖြစ်ပြီး ပထမအကြိမ် မဲစာရင်းများကို စက်တင်ဘာ(၃၀)ရက်နေ့မှ စတင်၍ ကြေညာထားရှိရာ ၎င်းမဲရုံ(၂၆၅)ရုံမှ မဲဆန္ဒရှင်များ၏ မဲစာရင်းဆိုင်ရာတောင်းဆိုမှုများ၊ ကန့်ကွက်မှုများ၊ အချက်အလက်ပြင်ဆင်လိုမှုများအား မဲစာရင်းမှန်ကန်ရေး စိစစ်ဖြည့်သွင်းမှုလုပ်ငန်းကို အောက်တိုဘာ ၁၄ ရက်နံနက်ပိုင်းမှစတင်၍ မြို့နယ်ရွေးကောက်ပွဲကော်မရှင်အဖွဲ့ခွဲရုံး၌ ဌာနဆိုင်ရာဝန်ထမ်းများဖြင့် ဖွဲ့စည်းထားသည့် ရုံးအဖွဲ့က ဆောင်ရွက်လျက်ရှိသည်။
အဆိုပါ မဲစာရင်းမှန်ကန်ရေး ဆောင်ရွက်စိစစ်ဖြည့်သွင်းခြင်းလုပ်ငန်းအား အောက်တိုဘာ ၁၄ ရက် နံနက်(၁၁)နာရီအချိန်၌ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးဇော်ဝင်းလှိုင်နှင့် ကော်မတီဝင်များက သွားရောက်ကြည့်ရှုအားပေးခဲ့ပြီး လုပ်ငန်းဆောင်ရွက်မှု အဆင်ပြေချောမွေ့စေရေး၊ မဲစာရင်းမှန်ကန်ရေးတို့အတွက် မြို့နယ်ရွေးကောက်ပွဲကော်မရှင်ဥက္ကဋ္ဌ ဦးခင်မောင်ရင်နှင့်အဖွဲ့ဝင်များ၊ ရုံးအဖွဲ့များထံ လိုအပ်သည့်လမ်းညွှန်မှုများအား မှာကြားဆောင်ရွက်ခဲ့ကြောင်း သိရသည်။
မိုးစက် (ဘိုကလေး)
https://t.me/MyanmarNationalPost
No comments:
Post a Comment