အောက်တိုဘာ - ၂၂ ( ဗုဒ္ဓဟူးနေ့ )
ထိုင်ဝမ် သမ္မတ လိုင်ချင်တီက ထိုင်ဝမ်အစိုးရနဲ့ ထိုင်ဝမ်ပြည်သူများကိုယ်စား ဂျပန်နိုင်ငံရဲ့ ၁၀၄ ကြိမ်မြောက် ဝန်ကြီးချုပ်အဖြစ် ရွေးချယ်တင်မြှောက်ခံရသော ဆန်နေး တာကိုင်ချီ အား အောက်တိုဘာ ၂၁ ရက်က ချီးကျူး ဂုဏ်ပြုလွှာ ပေးအပ်ခဲ့ပါတယ်။
သမ္မတရုံးရဲ့ ထုတ်ပြန်ချက်မှာ လိုင် က တာကိုင်ချီ ဦးဆောင်တဲ့ အစိုးရသစ်အား အောင်မြင်ပါစေကြောင်း ဆန္ဒပြုခဲ့ပြီး ထိုင်ဝမ် နဲ့ ဂျပန်နိုင်ငံတို့ရဲ့ နှစ်နိုင်ငံပြည်သူများ၏ သာယာဝပြောရေး တိုးတက်စေရန် အတူတကွ ပူးပေါင်းဆောင်ရွက်ရင်း ချစ်ကြည်ရင်းနှီးမှု ဆက်လက်တိုးမြှင့်သွားနိုင်လိမ့်မယ်လို့ မျှော်လင့်ကြောင်း ပါရှိပါတယ်။
ဂျပန် လစ်ဘရယ် ဒီမိုကရက်တစ်ပါတီ ( LDP ) ရဲ့ ဥက္ကဋ္ဌ ဖြစ်သူ တာကိုင်ချီက ထိုင်ဝမ်နဲ့ အဆက်အသွယ်ကောင်းတွေ ရှိနေပါတယ်။ စီးပွားရေးနှင့် ကုန်သွယ်မှု၊ ဘေးအန္တရာယ် ကာကွယ်ရေး၊ လုံခြုံရေး အာမခံချက်နှင့် နည်းပညာများ ဆိုင်ရာ ဒေသများတွင် ပူးပေါင်းဆောင်ရွက်မှုများ ပိုမိုတိုးချဲ့ရန်နှင့် အားကောင်းလာစေရန် မျှော်လင့်ကြောင်း ဆိုပါတယ်။
ဂျပန်နိုင်ငံရဲ့ ပထမဆုံး အမျိုးသမီး ဝန်ကြီးချုပ် ဆန်နေးတာကိုင်ချီ က ကျားမရေးရာ အခန်းကဏ္ဍတွေမှာ ရှေးရိုးစွဲ အယူအဆရှိပေမဲ့ ပွင့်လင်းမြင်သာမှုကိုလည်း ကြိုက်တဲ့သူလည်းဖြစ်ပါတယ်။ အသက် ၆၄ နှစ်အရွယ် တာကိုင်ချီက "ဂျပန်၏ရှေးရိုးစွဲ LDP တွင်ရှေးရိုးစွဲအရှိဆုံးလူတစ်ဦးဖြစ်တယ်"လို့ ဂျပန်နိုင်ငံ ကန်ဒါတက္ကသိုလ်မှ အပြည်ပြည်ဆိုင်ရာလေ့လာရေးဌာနမှ ကထိက ဂျက်ဖရီဟော ကို ဆိုပါတယ်။
REF: Taiwan today
https://t.me/MyanmarNationalPost
No comments:
Post a Comment