မြောက်ဥက္ကလာပ၊ အောက်တိုဘာ ၁၆
ရန်ကုန်တိုင်းဒေသကြီး ၊ မရမ်းကုန်းခရိုင်၊ မြောက်ဥက္ကလာပမြို့နယ် ပြည်သူ့ကျန်းမာရေးဦးစီးဌာနမှ မြို့နယ်အတွင်းရှိ အသက်၇၀ နှင့်အထက် သက်ကြီးဘိုးဘွားများအား ကျန်းမာရေး အသိပညာပေးခြင်း နှင့် သွေးတိုး နှင့် ဆီးချိုရောဂါရှိသူများအား ကျန်းမာ ရေး စောင့်ရှောက်မှု ပေးခြင်းကို ယမန်နေ့ နံနက်ပိုင်းက သက်ဆိုင်ရာ ကျန်းမာရေးဌာနခွဲတွင်ဆောင်ရွက်ပေးခဲ့ကြသည်။
ထိုသို့ ကျန်းမာရေး စောင့်ရှောက်မှုများပေးရာတွင်မြို့နယ်ပြည်သူ့ကျန်းမာရေးဦးစီးဌာနမှူး ဒေါက်တာမျိုးမင်းထွန်း ဦးဆောင်ကြီးကြပ်မှုဖြင့် ကျန်းမာရေး ၀န်ထမ်းများက ကျန်းမာရေးစောင့်ရှောက်မှု ခံယူရန် ရောက်ရှိလာကြသော ဆီးချို ၊ သွေးတိုးရောဂါ ခံစားနေရသော သက်ကြီးဘိုးဘွားများအားကျန်းမာရေး ဗဟုသုတများအား အသိပညာပေး ဟောပြောပေးခြင်း ၊ တီဘီရောဂါနှင့် ပတ်သတ်၍ အသိပညာ ပေးခြင်း ၊ကျန်းမာရေး၀န်ထမ်းများက သက်ကြီးဘိုးဘွားများအား အသက်ကြီး ပုဂ္ဂိုလ်စောင့်ရှောက်ရေးလုပ်ငန်းများ စမ်းသပ် စစ်ဆေးခြင်း၊ ဆီးချို ၊ သွေးချို ၊ သွေးတိုး ရောဂါစစ်ဆေးခြင်း နှင့် လိုအပ်သည့်ဆေး၀ါးများအား ထောက်ပံ့ပေးအပ်ဆောင်ရွက်ပေးလျက်ရှိကြောင်းသိရသည်။
သက်လွင်စိုး
https://t.me/MyanmarNationalPost
No comments:
Post a Comment