ပေါင်းတည် ၊ နိုဝင်ဘာ ၆
ပဲခူးတိုင်းဒေသကြီး၊ ပေါင်းတည်အကျဉ်းထောင်၌ တိုင်းဒေသကြီးတီဘီရောဂါတိုက်ဖျက်ရေးဌာနခွဲ၊ ပြည်ခရိုင်တီဘီရောဂါတိုက်ဖျက်ရေးဌာနခွဲနှင့်ပေါင်းတည်မြို့နယ်ပြည်သူ့ကျန်းမာရေးဦးစီးဌာနတို့ ပူးပေါင်း၍ နိုဝင်ဘာလ ၅ ရက်က အကျဉ်းသား ၁၂၄ဦး၊အကျဉ်းသူ ၂၀ ဦး စုစုပေါင်း ၁၄၄ ဦးတို့အား ကျန်းမာရေးအသိပညာပေးခြင်း၊ ဓာတ်မှန်ရိုက်၍ တီဘီရောဂါရှာဖွေခြင်းလုပ်ငန်းများအား ကွင်းဆင်ဆောင်ရွက်ခဲ့ကြကြောင်း သိရသည်။
ထိုသို့ဆောင်ရွက်ခဲ့ရာ၌ တီဘီရောဂါဖြစ်ပွားသူ ၃ ဦး နှင့်သလိပ်စစ်ဆေးရန်လိုအပ်သည့် တီဘီသံသယလူနာ ၁၅ ဦး စစ်ဆေး ရှာဖွေတွေ့ရှိခဲ့ကြောင်း၊ တီဘီရောဂါဖြစ်ပွားသူ ၃ ဦးအား တီဘီရောဂါကုသဆေးများဖြင့် စတင်ကုသပေးလျက်ရှိပြီး သလိပ်စစ်ဆေးရန်လိုအပ်သည့် တီဘီရောဂါဖြစ်ပွားသူ ၃ ဦးနှင့် တီဘီသံသယလူနာ ၁၅ ဦး၏ သလိပ်နမူနာများကို နိုဝင်ဘာ ၆ ရက်တွင် ပြည်မြို့သို့ ပို့ဆောင်၍ GeneXpert စက်ဖြင့် တီဘီရောဂါပိုး ရှိ/မရှိ စစ်ဆေးနိုင်ရန် စီစဉ်ဆောင်ရွက်ခဲ့ကြောင်းသိရသည်။
အဆိုပါ ပေါင်းတည်အကျဉ်းထောင်တွင် ကျန်းမာရေးအသိပညာပေးခြင်း၊ ဓာတ်မှန်ရိုက်၍ တီဘီရောဂါရှာဖွေခြင်းကွင်းဆင်း ဆောင်ရွက်မှုများအား နိုဝင်ဘာ ၅ရက် မှ နိုဝင်ဘာ၈ ရက် အထိ ဆောင်ရွက်သွားမည်ဖြစ်ကြောင်း မြို့နယ်ပြည်သူ့ကျန်းမာရေးဦးစီးဌာနမှ သိရသည်။
ရွှေသား
https://t.me/MyanmarNationalPost
No comments:
Post a Comment