တောင်ငူ ၊ နိုဝင်ဘာ ၁
ပဲခူးတိုင်းဒေသကြီး၊ တောင်ငူခရိုင်၊ တောင်ငူမြို့နယ် အထွေထွေအုပ်ချုပ်ရေးဦးစီးဌာန၊ ဝန်ထမ်းမိသားစုများ၊ ရပ်/ကျေး အုပ်ချုပ်ရေးမှူးများနှင့် (၇) ရက်သားသမီးများ၏ စုပေါင်းမဟာဘုံကထိန် အလှူတော်အခမ်းအနားကို ယနေ့နံနက်ပိုင်းက မိုးကောင်းကျေးရွာအုပ်စု၊ အင်းဝိုင်းကျေးရွာရှိ ရွှေရတနာကျောင်းတွင် ကျင်းပသည်။
ဦးစွာ တောင်ငူမြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူး ဦးဉာဏ်လင်းအောင်နှင့် ဇနီး၊ မြို့နယ်အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ ရပ်ကွက်ကျေးရွာ အုပ်ချုပ်ရေးမှူးများနှင့် ခုနစ်ရက်သားသမီး အလှူရှင်များက ဘုရားရှိခိုးကန်တော့ပြီး မြို့နယ်အုပ်ချုပ်ရေးမှူး ဦးဉာဏ်လင်းအောင်နှင့်ဇနီး၊ မြို့နယ်အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ ခုနစ်ရက် သား သမီး အလှူရှင်များက သံဃာတော် အရှင်မြတ်များအား ကထိန်သင်္ကန်းနှင့် လှူဖွယ်ဝတ္တုများ ဆက်ကပ်လှူဒါန်းသည်။
ထို့နောက် ရွှေရတနာကျောင်းတိုက်ဆရာတော် (မိုဘိုင်းဓမ္မစကူးလ်ဆရာတော်) ဘဒ္ဒန္တ ကုမုဒ ထံမှ ကုသိုလ်ဘာကြောင့်ပြုရတယ် တရားတော်ကို နာယူကြည်ညိုကြပြီး ရေစက်သွန်းချ အမျှပေးဝေကာ သံဃာတော်အရှင်မြတ်များအား နေ့ဆွမ်းဆက်ကပ်လှူဒါန်းခဲ့ကြောင်း သိရသည်။
ဇော်ကိုကို (တောင်ငူ)
https://t.me/MyanmarNationalPost
No comments:
Post a Comment