ကိုလိုနီကျွန်ပြုခဲ့တဲ့နိုင်ငံတွေ လျော်ကြေးပေးရမယ်လို့ အာဖရိကသမဂ္ဂ တောင်းဆို

ဒီဇင်ဘာ - ၃ ( ဗုဒ္ဓဟူးနေ့ ) 

ကျွန်ပြုမှု၊ ကိုလိုနီစနစ်နှင့် လူမျိုးရေးခွဲခြားမှု အပါအဝင် သမိုင်းဝင်ရာဇဝတ်မှုများကို အာဖရိကသမဂ္ဂ (AU) မှ တရားဝင်အသိအမှတ်ပြုပြီး ရာဇဝတ်မှုအဖြစ် သတ်မှတ်ရန် အာဖရိကသမဂ္ဂက တောင်းဆိုထားပါတယ်။ 

အာဖရိကတစ်ဝှမ်းမှ ခေါင်းဆောင်များသည် ယခုနှစ်အစောပိုင်းတွင် AU မှ အတည်ပြုခဲ့သော ဆုံးဖြတ်ချက်ကို မြှင့်တင်ရန် အယ်လ်ဂျီးရီးယားတွင် တနင်္ဂနွေနေ့တွင် တွေ့ဆုံခဲ့ကြပြီး ၂၀၂၅ ခုနှစ်ကို လျော်ကြေးတောင်းတဲ့ နှစ်အဖြစ် သတ်မှတ်ခဲ့ပါတယ်။

အဖွင့်မိန့်ခွန်းတွင် အယ်လ်ဂျီးရီးယား နိုင်ငံခြားရေးဝန်ကြီး အာမက်အတက်ဖ် က ကိုလိုနီစနစ်ကို နိုင်ငံတကာ ရာဇဝတ်မှုအဖြစ် သဘောထားရန် နဲ့ အာဖရိကနိုင်ငံတွေအပေါ် ကျူးလွန်ခဲ့တာတွေကို တာဝန်ခံမှုအတွက် တောင်းဆိုမှုများ အားကောင်းလာစေရန် ပြင်သစ်အုပ်ချုပ်မှုအောက်တွင် ၎င်းနိုင်ငံရဲ့အတွေ့အကြုံကို ကိုးကားဖော်ပြခဲ့ပါတယ်။

ပြင်သစ်နိုင်ငံက အယ်လ်ဂျီးရီးယားမှာ ပြင်သစ်သားတွေ၊ အထောက်အထား၊ အဖွဲ့အစည်းများ၊ ယဉ်ကျေးမှု၊ ဘာသာရေးနှင့် ပြင်သစ် ဘာသာစကားတို့ကိုပင် အစားထိုးကာ “အယ်လ်ဂျီးရီးယားကို ပုံမှန်အယ်ဂျီးရီးယား နိုင်ငံမဟုတ်ဘဲ အခြားနိုင်ငံတစ်ခုဖြစ်သွားအောင်” ကြိုးပမ်းခဲ့ကြောင်း ၎င်းက ပြောကြားခဲ့ပါတယ်။ 

“ဒီ ကိုလိုနီခေတ် ပရောဂျက်ကြောင့် ခေတ်သစ်သမိုင်းမှာ အရှည်ကြာဆုံးကျွန်ပြုခံရတဲ့ နိုင်ငံဖြစ်ခဲ့ပါတယ်။  အယ်ဂျီးရီးယား က ပြင်သစ်လက်အောက်မှာ နှစ်ပေါင်း ၁၃၂ နှစ်တိုင်နေခဲ့ရတယ်” လို့ ဆိုပါတယ်။ 

ကိုလိုနီခေတ်အတွင်း အာဖရိကနိုင်ငံတွေက ၎င်းတို့ရဲ့ လူမျိုးများအပေါ် ကျူးလွန်ခဲ့သော ရာဇဝတ်မှုများကို တရားဝင်နဲ့ ပြတ်သားစွာ အသိအမှတ်ပြုရန် တောင်းဆိုခွင့်ရှိပါတယ်။ အခုဆိုရင် အာဖရိကတိုက်အတွင်းရှိ နိုင်ငံများသည် အခြားနိုင်ငံများရဲ့ ဖယ်ထုတ်ခြင်း၊ ဘေးဖယ်ထားခြင်း၊ ဖွံ့ဖြိုးမှုနောက်ကျခြင်းများ နဲ့ ကြီးလေးသောဈေးနှုန်းကို ဆက်လက်ပေးဆောင်နေရကြောင်း ၎င်းက ထပ်လောင်းပြောကြားခဲ့ပါတယ်။ 

အာဖရိကနှင့် ကာရေဘီယံအစိုးရများ အပါအဝင် တက်ကြွလှုပ်ရှားသူများသည် ကျွန်စနစ်နှင့် ကိုလိုနီအုပ်ချုပ်ရေးအတွက် လျော်ကြေးပေးရန် ၁၀နှစ်ကျော်ကြာ တွန်းအားပေးခဲ့ကြပါတယ်။ 

REF: RT

#MNP #News #International