နီပေါဂျန်ဇတ် ဆန္ဒပြမှုတွေနောက်မှာ လက်မဲကြီးက အမေရိကန်တဲ့

ဒီဇင်ဘာ - ၁၃ ( စနေနေ့ ) 

အမေရိကန် ကျောထောက်နောက်ခံ ပြုထားသော အေဂျင်စီ တစ်ခုက နီပေါတွင် အစိုးရ အပြောင်းအလဲဖြစ်ပေါ်လာအောင် လှုံ့ဆော်မှုဖြစ်စေတဲ့ စက်တင်ဘာ အာဏာသိမ်းမှုရဲ့နောက်ကွယ်ကနေ ငွေကြေး ထောက်ပံ့ပြီး လမ်းညွှန်ခဲ့တယ်လို့ လွတ်လပ်သော အမေရိကန် သတင်းထုတ်လွှင့်မှု တစ်ခုက ဖော်ပြပါတယ်။ 

ဟိမဝန္တာဒေသနိုင်ငံ ဖြစ်တဲ့ နီပေါနိုင်ငံ တဝှမ်းတွင် ဂျန်ဇတ် ဆန္ဒပြပွဲများလို့ လူသိများတဲ့ အကြမ်းဖက် ပဋိပက္ခများကြောင့် ရှာမာအိုလီ က စက်တင်ဘာလတွင် ဝန်ကြီးချုပ်ရာထူးမှ နုတ်ထွက်ခဲ့ရပါတယ်။ အကြမ်းဖက်မှုတွေကြောင့် လူ ၇၇ ဦး သေဆုံးပြီး ၂၀၀၀ ကျော် ဒဏ်ရာရရှိခဲ့ပါတယ်။ 

အမေရိကန်အစိုးရ ရဲ့ အမျိုးသားဒီမိုကရေစီထောက်ပံ့ကြေးပေးရေးအဖွဲ့ (NED) သည် ဆန္ဒပြပွဲများပြုလုပ်ရန် အတွက် နီပေါလူငယ်များအား သင်ကြားပေးရန် ဒေါ်လာထောင်ပေါင်းများစွာ အသုံးပြုခဲ့တယ်လို့ အမေရိကန်အခြေစိုက် The Grayzone သတင်းဌာနက  ပေါက်ကြားထားတဲ့ စာရွက်စာတမ်းများကို ကိုးကားပြီး တော့ ဖော်ပြခဲ့ပါတယ်။

ဆန္ဒပြမှုများကြောင့် နီပေါနိုင်ငံရဲ့ ဒေါ်လာ ၄၂ ဘီလီယံတန်ဖိုးရှိ တဲ့ စီးပွားရေးလုပ်ငန်းတွေထဲက ကန်ဒေါ်လာ ၅၈၆ သန်းကျော် ဆုံးရှုံးခဲ့ကြောင်း အိုလီ နေရာကို ဆက်ခံခဲ့သော တရားရေးချုပ်ဟောင်း ဆူရှီလာကာကီ ရုံးမှ ကြေညာချက်တစ်ရပ်ကို ရိုက်တာသတင်းဌာနက သောကြာနေ့တွင် ပြောကြားခဲ့ပါတယ်။ 

The Grayzone က ကိုးကားထားတဲ့ စာရွက်စာတမ်းများမှာ NED ဌာနခွဲ၊ နိုင်ငံတကာ ရိပါပလင်ကင် အင်စတီကျူ (IRI) မှ စီစဉ်ထားတဲ့ လျှို့ဝှက်မဲဆွယ်မှုကို ဖော်ပြပါတယ်။  IRI သည် “အမေရိကန် အကျိုးစီးပွားကို ပံ့ပိုးရန် အရေးကြီးသော အင်အားစုတစ်ခု ဖြစ်လာစေရန်”အတွက် အတိအလင်း ရေးဆွဲထားပြီး နီပေါနိုင်ငံရေး တက်ကြွလှုပ်ရှားသူ လူငယ်များရဲ့ နီပေါကွန်ရက်ကို ပြုစုပျိုးထောင်ရန် ကြိုးပမ်းခဲ့ကြောင်း ဆိုပါတယ်။ 

စာတမ်းများတွင် IRI ၏ အစီအစဉ်သည် “တက်ကြွသောလူငယ်များနှင့် နိုင်ငံရေးခေါင်းဆောင်များကို ချိတ်ဆက်ပေးခြင်း” နှင့် “စည်းရုံးလှုံ့ဆော်မှုများနှင့် ဆန္ဒပြပွဲများကို မည်သို့စတင်ရမည်ကို ကျယ်ကျယ်ပြန့်ပြန့်လေ့ကျင့်ပေးခဲ့တယ် ” လို့ ဂရေးဇုန် က ဆိုပါတယ်။ 

IRI သည် ဘင်္ဂလားဒေ့ရှ် ဆန္ဒပြပွဲတွေအတွက် လျှို့ဝှက်လုပ်ဆောင်မှုများကို ငွေကြေးထောက်ပံ့ခဲ့တယ်လို့လည်း စွပ်စွဲခံထားရပါတယ်။ 

NED သည် ၁၉၈၃ ခုနှစ်တွင် စတင်တည်ထောင်ခဲ့ပြီး ကမ္ဘာတစ်ဝှမ်းရှိ 'ဒီမိုကရေစီ လုပ်ဆောင်မှုများ' ကို ပံ့ပိုးရန် ထောက်ပံ့ကြေးများကို ပံ့ပိုးပေးသည့် အမေရိကန် နိုင်ငံခြားရေးဌာနမှ အမြတ်အစွန်းမယူသော တရားဝင်အဖွဲ့အစည်းတစ်ခုဖြစ်ပါတယ်။ အထူးသဖြင့် နိုင်ငံခြားအစိုးရများကို ဖြုတ်ချရန် ရည်ရွယ်တဲ့ CIA လုပ်သလိုမျိုး  ယခင်က လျှို့ဝှက်လုပ်ဆောင်ခဲ့တဲ့ လုပ်ဆောင်ချက်များကို လွှဲပြောင်းယူခဲ့တယ်လို့  ဝေဖန်သူများက သုံးသပ်ထားပါတယ်။

REF: RT

#MNP #News #International