မိုင်းစံ ၊ ဒီဇင်ဘာ 30
ရှမ်းပြည်နယ်(တောင်ပိုင်း)၊ မိုင်းရှုးခရိုင်၊ မိုင်းစံမြို့ အခြေခံပညာအထက်တန်းကျောင်း၌ (၇၈)နှစ်မြောက် လွတ်လပ်ရေးနေ့(အကြို)အထိမ်းအမှတ် ဟောပြောပွဲ၊ စာစီစာကုံးပြိုင်ပွဲ၊ ကဗျာရွတ်ပြိုင်ပွဲနှင့် နံရံက်စာစောင်ပြပွဲကို ယနေ့နံနက်(၉)နာရီ (၃၀)မိနစ်က ကျင်းပပြုလုပ်ခဲ့သည်။
ရှေးဦးစွာ မိုင်းစံမြို့ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ မြို့ဦးစီးမှုး ဒေါ်အိဇာချိုက လွတ်လပ်ရေးနေ့ဖြစ်ပေါ်လာပုံသမိုင်းကြောင်းနှင့် လွတ်လပ်ရေးကို တစ်နိုင်ငံလုံးရှိတိုင်းရင်းသား အသီးသီး၊ လူတန်းစားအသီးသီး၊ အသင်းအဖွဲ့အားလုံးဟာ မြတ်နိုးကြရမယ်၊ လွတ်လပ်ရေးကို တိုက်ရိုက်သော်လည်းကောင်း ထိပါးငြိစွန်းလာမယ်ဆိုလျှင် တိုင်းရင်းသားအားလုံးသည် လွတ်လပ်ရေးကိုကာကွယ်ရမည်ကို အသိပညာပေးဟောပြောခဲ့သည်။
ဆက်လက်၍ မိုင်းစံမြို့ အခြေခံပညာအထက်တန်းကျောင်းမှ အလယ်တန်းအဆင့် ကျောင်းသား၊ ကျောင်းသူများက “လွတ်လပ်ရေးနေ့တို့မမေ့” ခေါင်းစဉ်ဖြင့် စာစီစာကုံးပြိုင်ပွဲ၊ မူလတန်းအဆင့် ကျောင်းသား၊ကျောင်းသူများက “လွတ်လပ်ရေးပန်း” ခေါင်းစဉ်ဖြင့် ကဗျာရွတ်ပြိုင်ပွဲ ပါဝင်ယှဉ်ပြိုင်ခဲ့ကြသည်။
ထို့နောက် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ လွတ်လပ်ရေးနေ့နှင့်ပတ်သက်သည့် အသိပညာပေးနံရံကပ်စာစောင်များပြသခဲ့ရာ ကျောင်းသား၊ ကျောင်းသူများက စိတ်ပါဝင်စားစွာ လေ့လာကြည့်ရှုခဲ့သည်။
အိဇာချို
https://t.me/MyanmarNationalPost
No comments:
Post a Comment