အီရန်ကို အမေရိကန်ရေတပ် အုပ်လိုက်ကြီး လွှတ်ထားတယ်လို့ ထရမ့်ပြော

ဇန်နဝါရီ - ၂၄ ( စနေနေ့ ) 

အမေရိကန်သမ္မတ ဒေါ်နယ်ထရမ့်က အီရန်နိုင်ငံရဲ့အခြေအနေကို အနီးကပ် စောင့်ကြည့်နေကြောင်း အီရန်လို အစ္စလာမ္မစ်သမ္မတနိုင်ငံအပေါ် စစ်အင်အားသုံး၍ ခြိမ်းခြောက်မှုများကို သက်တမ်းတိုးခဲ့ကြောင်း ပြောပါတယ်။ 

အမေရိကန်သမ္မတသည် အီရန်အား စစ်ရေးအရ အရေးယူရန် အကြိမ်ကြိမ် ခြိမ်းခြောက်ခဲ့ပြီး ဆန္ဒပြသူများအား "အကူအညီပေးနေပြီ" လို့ ပြောကြားခဲ့ပါတယ်။ ဒါပေမဲ့ ပြီးခဲ့တဲ့ သီတင်းပတ်က သူ့ရဲ့ခြိမ်းခြောက်မှုတွေ လျှော့ပေါ့သွားခဲ့ပြီး အီရန်ကို မတိုက်ခိုက်ရန် ဆိုခဲ့ပါတယ်။ သောကြာနေ့တွင်၊ အမေရိကန်သမ္မတက အီရန်ရဲ့ နိုင်ငံတွင်းအခြေအနေကို အနီးကပ်စောင့်ကြည့်နေပြီး စစ်ရေးအရ အရေးယူဖို့ကတော့ ဖြစ်မလာသေးပါဘူး လို့ ဆိုပါတယ်။ 

"ကျနော်တို့မှာ အဲဒီလမ်းကြောင်းကို ဦးတည်နေတဲ့ ရေယာဉ်အမြောက်အမြားရှိပါတယ်၊ အဲဒါကို သုံးဖို့ မလိုပါသေးပါဘူး၊ တစ်ခုခုဖြစ်လာမယ်ဆိုရင်တော့ အဲ့ဒိကိုသွားနေတဲ့ ကျနော်တို့ရဲ့ သင်္ဘောတွေ အများကြီးပါပဲ” လို့  Air Force One လေယာဉ်ပေါ်မှာ သတင်းထောက်များနှင့် စကားပြောစဉ်ဆိုခဲ့ပါတယ်။ 

ပင်တဂွန်စစ်ဌာနချုပ်ကတော့ စစ်သင်္ဘောတွေရဲ့လှုပ်ရှားမှုများနှင့်ပတ်သက်ပြီး ထရမ့်ရဲ့ထုတ်ပြန်ချက်ကို အတည်မပြုပေးသော်လည်း၊ မီဒီယာအများအပြားက လေယာဉ်တင်သင်္ဘော အေဘရာဟင်လင်ကွန်း ဦးဆောင်တဲ့ သင်္ဘောအုပ်စုကို တောင်တရုတ်ပင်လယ်မှ အရှေ့အလယ်ပိုင်းသို့ စေလွှတ်လိုက်ကြောင်း ဖော်ပြခဲ့ပါတယ်။ အဆိုပါအဖွဲ့နှင့် ဆက်စပ်ရေယာဉ်များက လက်ရှိမှာ အိန္ဒိယသမုဒ္ဒရာတွင် ရှိနေပါတယ်။ 

ထို့အပြင် လေကြောင်း စောင့်ကြည့်ရေး အရင်းအမြစ်အများအပြားသည် ဒေသတွင်းရှိ အမေရိကန် အခြေစိုက် စခန်းများသို့ လေကြောင်းမှဆီဖြည့်ပေးတဲ့လေယာဉ်တွေ အပါအဝင် နောက်ထပ် စစ်လေယာဉ်များနှင့် ထောက်ပံ့ရေး လေယာဉ်များ ရွေ့လျားမှုကို အစီရင်ခံ ထားပါတယ်။ ယင်းသို့ ပြန်လည်နေရာချထားခြင်းသည် တီဟီရန်အပေါ် စစ်ရေးအရ အရေးယူမှု၏ လက္ခဏာများဖြစ်နိုင်တယ်လို့ ကျွမ်းကျင်သူအချို့က အဓိပ္ပာယ်ဖွင့်ဆိုထားပါတယ်။ 

REF: RT

#MNP #News