ပျော်ဘွယ် ၊ ဖေဖော်ဝါရီ ၃
မန္တလေးတိုင်းဒေသကြီး ပျော်ဘွယ်မြို့နယ်၌ အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုကော်မတီမှ ငလျင်ဒဏ်ကြောင့် ပြိုကျပျက်စီးခဲ့သည့် နေအိမ်များပြန်လည်ဆောက်လုပ်နိုင်ရန် ဘိလပ်မြေများပေးအပ်ခြင်းကို ဖေဖော်ဝါရီ ၂ ရက် နံနက် ၉ နာရီခွဲက မြို့နယ်အထွေထွေအုပ်ချုပ်ရေးဦးစီးဌာနရုံးတွင်ကျင်းပသည်။
ဦးစွာ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးအာကာစိုးက နိုင်ငံတော်အနေဖြင့် ငလျင်ဘေးအန္တရာယ်ခံစားခဲ့ရပြီး နေအိမ်တစ်စိတ်တစ်ပိုင်းပျက်စီးမှုတို့အတွက် ထောက်ပံ့ပေးနိုင်ခဲ့မှု၊ အလုံးစုံပျက်စီးမှုတို့အတွက် နိုင်ငံတော်မှသတ်မှတ်ထားသည့်နှုန်းထားအတိုင်း ဘိလပ်မြေဖြန့်ဝေပေးအပ်မည့် အခြေအနေများ၊ မကြာမီကာလတွင် အိမ်ဆောက်ပစ္စည်းဖြန့်ဝေပေးမည့်အခြေအနေများကို ရှင်းလင်းဆွေးနွေးသည်။
အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုကော်မတီမှ မြို့ပေါ်ရပ်ကွက် ၇ ရပ်ကွက်နှင့် ကျေးရွာအုပ်စု ၅ အုပ်စုမှ နေအိမ်အလုံးစုံပျက်စီးမှု ၁၅၆ လုံးအတွက် ဘိလပ်မြေအိတ် ၄၂၀၀၀ ကျော်ကိုပေးအပ်ခဲ့ရာ ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးစိန်မြင့်နှင့်တာဝန်ရှိသူများက ပြည်သူများထံ ထပ်ဆင့်ပေးအပ်ခဲ့ကြောင်းသိရသည်။
မင်းမင်းထွေး(ပျော်ဘွယ်)
https://t.me/MyanmarNationalPost
No comments:
Post a Comment