လူငယ် အားကစားပြိုင်ပွဲတစ်ခုမှာ သေနတ်နဲ့ ဝင်ပစ်လို့ ၂ ဦး သေဆုံး

ဖေဖော်ဝါရီ - ၁၇ ( အင်္ဂါနေ့ ) 

အမေရိကန် အရှေ့ပိုင်းပြည်နယ် ကွန်နက်တီကပ် က ရိုဒီကျွန်းပေါ်မှာ  တနင်္လာနေ့က လူငယ်တွေ ဟော်ကီကစားနေစဉ် သေနတ်သမားတစ်ဦးရဲ့ ပစ်ခတ်မှုကြောင့် လူနှစ်ဦး သေဆုံးခဲ့ပါတယ်။ ဒန်နစ်အမ်လင့် အေရီနာကွင်းမှာ ကွန်ဗန်ထရီနဲ့ ဘလက်စတုန်းဗေလီ အသင်းတို့  ယှဉ်ပြိုင်မှုအတွင်း ပစ်ခတ်မှု ဖြစ်ပွားခဲ့တာပဲ ဖြစ်ပါတယ်။

ပေါ်တက်စကတ်မြို့ရဲချုပ် တီနာဂွန်ကလေ့ဗ် က တိုက်ခိုက်မှုမှာ သေနတ်သမားက ရည်ရွယ်ချက်ရှိရှိ နဲ့ နစ်နာသူတွေကို ပစ်မှတ်ထားခဲ့ပုံရတယ်လို့ဆိုပြီး မိသားစုအငြင်းပွားမှုကနေဖြစ်လာတယ်လို့  ပြောကြားခဲ့ပါတယ်။ လူနှစ်ဦးကို သတ်ဖြတ်ပြီးနောက် သံသယရှိသူက  မိမိကိုယ်ကို သေနတ်ဖြင့် သေကြောင်းကြံခဲ့ပါတယ်။ နောက်ထပ် လူ ၃ ဦးကို ဆေးရုံတင်ထားရပြီး စိုးရိမ်ရတဲ့ အခြေအနေရှိကြောင်း ရဲတပ်ဖွဲ့က ပြောပါတယ်။

ဒေသခံ သတင်းတွေအရ သံသယရှိသူက အနည်းဆုံး ပစ်ခတ်မှု ၁၄ ကြိမ် ပစ်ခတ်ခဲ့ပြီး ပွဲကို တိုက်ရိုက်ထုတ်လွှင့်မှု ရပ်ဆိုင်းသွားပြီး ကစားသမားများနှင့် ပရိသတ်များလည်း ထိတ်လန့်တကြား ထွက်ပြေးခဲ့ကြရပါတယ်။ 

REF: RT

#MNP #News