သဲကုန်း ၊ ဖေဖော်ဝါရီ ၂၁
ပဲခူးတိုင်းဒေသကြီး၊ နတ်တလင်းခရိုင်၊ သဲကုန်းမြို့နယ်၌ သုံးစွဲခြင်းမပြုရန် တားမြစ်ထားသည့် ဆေးများ ရောင်းချခြင်း ရှိ/မရှိ စစ်ဆေးခြင်းကို ယမန်နေ့က တာဝန်ရှိသူများမှ စိုက်ပျိုးရေးလုပ်ငန်းသုံးပစ္စည်းအရောင်းဆိုင်များတွင် ကွင်းဆင်းစစ်ဆေးခဲ့သည်။
ထိုသို့ ကွင်းဆင်းစစ်ဆေးရာတွင် ဒုတိယမြို့နယ်အုပ်ချုပ်ရေးမှူး ဦးစောပြည့်စုံ၊ စိုက်ပျိုးရေးဦးစီးဌာန မြို့နယ်ဦးစီးမှူး ဦးအောင်ဝင်းနှင့် ကော်မတီဝင်များက မြို့နယ်အတွင်း ဖွင့်လှစ်ရောင်းချလျက်ရှိသည့် စိုက်ပျိုးရေးလုပ်ငန်းသုံးပစ္စည်းအရောင်းဆိုင်များ၌ စိုက်ပျိုးရေးထုတ်ကုန်များတွင် အသုံးပြုလျက်ရှိသည့် စျေးကွက်တွင် အသုံးမပြုရန် တားမြစ်ထားသော ပိုးသတ်ဆေး အတုအပများနှင့် တရားမဝင်ပိုးသတ်ဆေးများမရှိစေရန် ဆိုင်တင်ရောင်းချခြင်းများ လုံးဝမပြုလုပ်စေရန်၊ လိုက်နာခြင်းမရှိသည်ကို စစ်ဆေးတွေ့ရှိပါက ပိုးသတ်ဆေးဥပဒေအရ အရေးယူဆောင်ရွက်သွားမည်ဖြစ်ကြောင်း၊ စားသုံးသူပြည်သူများ ဘေးကင်းလုံခြုံစေရေးနှင့် ပြည်ပသို့ တင်ပို့နေသော စိုက်ပျိုးရေးထုတ်ကုန်များ ပိုးသတ်ဆေးဓာတ်ကြွင်းကင်းစင်စေရေးအတွက် ရည်ရွယ်၍ ဆောင်ရွက်ရခြင်းဖြစ်ပြီး ပိုးသတ်ဆေးဥပဒေ၊ နည်းဥပဒေများအား အသိပညာပေး ရှင်းလင်းဆွေးနွေးခဲ့ကြောင်း သိရှိရသည်။
ကိုကျော် (သဲကုန်း)
https://t.me/MyanmarNationalPost
No comments:
Post a Comment