ဖေဖော်ဝါရီ - ၂၄ ( အင်္ဂါနေ့ )
ဂျပန်ကာကွယ်ရေးဝန်ကြီး ရှင်ဂျီအို ကိုအီဇူမိ က ၂၀၂၆ ဘဏ္ဍာနှစ်မှစတင်၍ ပစိဖိတ်ကျွန်းနိုင်ငံများမှ လူငယ်နှင့် လူတ်ပိုင်း ကာကွယ်ရေးအရာရှိများကို ဖိတ်ခေါ်သွားမှာ ဖြစ်ကြောင်း ဖေဖော်ဝါရီ ၂၃ ရက်နေ့ တွင် ပြောကြားခဲ့ပါတယ်။ တိုကျိုတွင်ပြုလုပ်သည့် ဖီဂျီ နဲ့ ပါပူဝါနယူးဂီနီ အပါအဝင် ပစိဖိတ်ကျွန်းနိုင်ငံ ၁၄ နိုင်ငံမှ ကာကွယ်ရေးဝန်ကြီးများ နဲ့ တွေ့ဆုံမှုတွင် ၎င်းက ထုတ်ဖော်ပြောကြားလိုက်တာပဲဖြစ်ပါတယ်။
တောင်ပစိဖိတ်ဒေသတွင် တရုတ်နိုင်ငံရဲ့ တိုးပွားလာနေသော တည်ရှိနေမှုအား ထောက်ရှုပြီး ဆိုက်ဘာလုံခြုံရေး အားကောင်းလာစေရေး အပါအဝင် နယ်ပယ်များစွာတွင် ဂျပန်နှင့် ကျွန်းနိုင်ငံများကြား ပူးပေါင်းဆောင်ရွက်မှု လိုအပ်ကြောင်း အလေးပေးပြောကြားခဲ့ပါတယ်။
၂၀၂၁ ခုနှစ်မှစတင်ပြီး တတိယအကြိမ်မြောက် ကျင်းပခဲ့တဲ့ အစည်းအဝေးမှာ အင်ဒိုနီးရှားနှင့် ဖိလစ်ပိုင်အပါအဝင် အာဆီယံအဖွဲ့ဝင် ခုနစ်နိုင်ငံက လေ့လာသူအဖြစ် ပထမဆုံးအကြိမ် တက်ရောက်ခဲ့ပါတယ်။ ဖီဂျီ အပါအဝင် ကျွန်းနိုင်ငံ သုံးနိုင်ငံမှ ကာကွယ်ရေး အရာရှိများကို ဂျပန်က လက်ခံမှာဖြစ်ပြီး ၎င်းတို့သည် ဂျပန်နိုင်ငံတွင် တစ်ပတ်ခန့်နေထိုင်စဉ်အတွင်း အမြင်ဖလှယ်မှုများနှင့် တပ်ဖွဲ့ဝင်များအား စစ်ဆေးမှုများ ပြုလုပ်ရန် မျှော်လင့်ထားပါတယ်။
ကျွန်းနိုင်ငံများနဲ့ နှောင်ကြိုးများ ခိုင်မာစေရန် နဲ့ ကိုယ်တိုင်မောင်းနှင်ပြီး ခံနိုင်ရည်ရှိသော ဒေသကို အတူတကွ တည်ဆောက်ရန် တောင်းဆိုခဲ့ပါတယ်။
REF: The Nation
#News #MNP
No comments:
Post a Comment