နွေစပါး(၁၇၃၈၉)ဧက စိုက်ပျိုးရန်လျာထားပြီး မျိုးစေ့တိုက်ရိုက်ချ Drum Seeder ဖြင့် (၈၇၃၄)ဧက စိုက်ပျိုးနိုင်ရေး ​ဖြူးမြို့နယ်၌ ဆောင်ရွက်

ဖြူး  ၊ ဖေဖော်ဝါရီ ၂၀

ပဲခူးတိုင်းဒေသကြီး၊ တောင်ငူခရိုင်၊ ဖြူးမြို့နယ်အတွင်း ၂၀၂၆ ခုနှစ်၊ နွေစပါး(၁၇၃၈၉)ဧက စိုက်ပျိုးရန်လျာထားပြီး Drum Seeder စိုက်နည်းစနစ်ဖြင့် ပိုမိုစိုက်ပျိုးနိုင်ရေး ဆောင်ရွက်သွားမည်ဖြစ်ကြောင်း  ​မြို့နယ်စိုက်ပျိုးကြီးကြပ်ရေးအဖွဲ့ထံမှ သိရသည်။

ဖြူးမြို့နယ်အတွင်း နွေစပါးစိုက်ပျိုးရာတွင် ရေရရှိရေးဆည်/ကန်ရေ၊ ချောင်းပိတ်ရေ၊ အင်းအိုင်ရေများဖြင့်ရယူပြီး စိုက်နည်းစနစ်များအနေဖြင့် Drum Seeder စိုက်နည်းဖြင့် (၈၇၃၄)ဧက၊ ပျိုးထောင်စိုက်နည်းဖြင့် (၇၁၆၈)ဧက၊ လက်ဆွဲကောက်စိုက်စက်စိုက်နည်းဖြင့် (၁၁၃၀)ဧက၊ ဘောင်ပျိုးစိုက်နည်းဖြင့် (၃၅၇)ဧက စိုက်ပျိုးမည်ဖြစ်ကြောင်း သိရသည်။

ထို့အ​ပြင်ဒေသအတွင်း နွေစပါးအနေဖြင့် အဓိကစိုက်ပျိုးသော စပါးမျိုးကွဲများမှာ ဆင်းသုခမျိုး၊ ရက်(၉၀)မျိုး၊ နှံကောက်မျိုး၊ ရတနာတိုးမျိုး၊ ဗီယက်နမ်မျိုး၊ ရေဆင်းပေါ်ဆန်း၂၊ အောင်နိုင်တိုးမျိုးများဖြစ်ပြီး လက်ရှိအခြေအနေအရ (၉၃၄၇)ဧကခန့်  စိုက်ပျိုးပြီးစီးထားကြောင်း သိရသည်။

နေမျိုးလွင်

https://t.me/MyanmarNationalPost