ကလော၊ မတ် ၁၈
ရှမ်းပြည်နယ်တောင်ပိုင်း၊ ကလောခရိုင်၊ ကလောမြို့၌ ၂၀၂၆ ခုနှစ်၊ မြန်မာ့ရိုးရာမဟာသင်္ကြန်ပွဲတော် စည်ကားသိုက်မြိုက်စွာကျင်းပနိုင်ရေး လုပ်ငန်းညှိနှိုင်းအစည်းအဝေးကို ယနေ့နံနက် ၉ နာရီခွဲက ခရိုင်အထွေထွေအုပ်ချုပ်ရေးဦးစီးဌာနအစည်းအဝေးခန်းမ၌ပြုလုပ်ခဲ့ရာ ခရိုင်/မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌနှင့်အဖွဲ့ဝင်များ၊ ဌာနဆိုင်ရာများတက်ရောက်ခဲ့သည်။
ရှေးဦးစွာ ကလောခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ခရိုင်အုပ်ချုပ်ရေးမှူး ဦးစိုးမြင့်က ၂၀၂၆ ခုနှစ်၊ မြန်မာ့ရိုးရာမဟာသင်္ကြန်ပွဲတော် စည်ကားသိုက်မြိုက်စွာကျင်းပနိုင်ရေးနှင့်ပတ်သက်၍ အမှာစကားပြောကြားခဲ့ပြီး ပွဲတော်ကျင်းပရေး လုပ်ငန်းဆပ်ကော်မတီအလိုက် လမ်းလျှောက်သင်္ကြန်ကျင်းပမည့်နေရာ၊ ရေရရှိရေး၊ သင်္ကြန်မဏ္ဍပ်ဆောက်လုပ်မည့်အခြေအနေများနှင့် သင်္ကြန်ယိမ်းအဖွဲ့အကများပါဝင်မည့်အခြေအနေများ ဆွေးနွေးခဲ့ကြကြောင်း သိရှိရသည်။
#MNP #News
No comments:
Post a Comment