မြောက်ဥက္ကလာပ၊ မတ် ၆
ရန်ကုန်တိုင်းဒေသကြီး၊ မရမ်းကုန်းခရိုင်၊ မြောက်ဥက္ကလာပမြို့နယ်၌ အသေးစားစက်မှုလက်မှုလုပ်ငန်းဦးစီးဌာနက ကြီးမှူးကျင်းပသည့် အသေးစားစက်မှုလက်အသေးစားစက်မှုလက်မှုထုတ်ကုန်ပစ္စည်းပြပွဲနှင့် ဈေးရောင်းပွဲတော်ကို သုဓမ္မာလမ်းမကြီး မယ်လမုဘုရားအနီးရှိ ရန်ကုန်တိုင်းဒေသကြီး အသေးစားစက်မှုလက်မှုလုပ်ငန်းဦးစီးဌာနအတွင်း ကျင်းပပြုလုပ်ရာ တိုင်းဒေသကြီး အစိုးရအဖွဲ့သယံဇာတရေးရာ၀န်ကြီး ဦးဇော်၀င်း၊ တိုင်းဒေသကြီးအသေးစားစက်မှုလက်မှုလုပ်ငန်းဦးစီးဌာန ညွှန်ကြားရေးမှူး ဦးသက်နိုင်ဦး၊ တိုင်းဒေသကြီး၊ ခရိုင်/မြို့နယ်အဆင့် ဌာနဆိုင်ရာများ၊ လုပ်ငန်းရှင်များ နှင့် တာ၀န်ရှိသူများတက်ရောက်ကြသည်။
ဦးစွာ ရန်ကုန်တိုင်းဒေသကြီး အစိုးရအဖွဲ့သယံဇာတရေးရာ၀န်ကြီး ဦးဇော်၀င်းက အဖွင့်အမှာစကားပြောကြားခဲ့သည်။ ထို့နောက် အသေးစားစက်မှုလက်မှုထုတ်ကုန်ပစ္စည်းပြပွဲနှင့် ဈေး ရောင်းပွဲတော်အား တိုင်းဒေသကြီး အစိုးရအဖွဲ့သယံဇာတရေးရာ၀န်ကြီး ဦးဇော်၀င်း၊ တိုင်းဒေသကြီးအသေးစားစက်မှုလက်မှုလုပ်ငန်းဦးစီးဌာန ညွှန်ကြားရေးမှူး ဦးသက်နိုင်ဦး ၊ ကျေးလက် ဒေသဖွံ့ဖြိုးတိုးတက် ရေး ဦးစီးဌာန ညွှန်ကြားရေးမှူး ဦးကျော်လင်းသန်း ၊ သမဝါယမဦးစီးဌာန ညွှန်ကြားရေးမှူး ဒေါ်ဥမ္မာမြင့်တို့က ဖဲကြိုးဖြတ်ဖွင့်လှစ်ပေးခဲ့ကြပြီး အသေးစားစက်မှုလက်မှုထုတ်ကုန်ပစ္စည်းပြပွဲ နှင့် ဈေးရောင်းပွဲတော် အတွင်းရှိ ဈေးဆိုင်ခန်းများအား လှည့်ကြည့်အား ပေးခဲ့ကြသည်။
အဆိုပါ အသေးစားစက်မှုလက်မှုလုပ်ငန်းဦးစီးဌာနက ကြီးမှူးကျင်းပသည့် အသေးစားစက်မှုလက်မှုထုတ်ကုန်ပစ္စည်းပြပွဲနှင့် ဈေး ရောင်းပွဲတော်တွင် စားသောက်ကုန် ၃၅ ခန်း ၊ လူသုံးကုန် ၁၅ ခန်း ၊ လက်မှုလုပ်ငန်း ၅ ခန်း ၊ အထွေထွေပြခန်း ၅ ခန်း နှင့် ပြခန်းစုစု ပေါင်း ၆၀ ခန်းအား မတ်လ ၆ ရက်နေ့မှ ၈ ရက်နေ့ထိ ၃ ရက်ကြာ ကျင်းပပြုလုပ်မည်ဖြစ်ပြီး မနက် ၆ နာရီ မှ ညနေ ၆ နာရီ အထိ ရောင်းချသွားမည်ဖြစ်ရာ မည်သူမဆိုလာရောက် လှည့်လာ ၀ယ်ယူနိုင် ကြောင်းသိရသည်။
သက်လွင်စိုး
#News
No comments:
Post a Comment