ဟောမုဇ်ရေလက်ကြားကို ဖြတ်ပြီး အာရှနိုင်ငံတွေ ရေနံဘယ်လောက်ဝယ်နေတာလဲ

မတ် - ၄ ( ဗုဒ္ဓဟူးနေ့ ) 

အရှေ့အလယ်ပိုင်း တင်းမာမှုများကြားတွင်၊ အာရှအစိုးရအများအပြားသည် ပြည်သူများအား အာမခံရန် နဲ့ ရေနံနှင့် သဘာဝဓာတ်ငွေ့ အရန်များ လုံလောက်မှုရှိရန် စျေးကွက်များ ရွှေ့ပြောင်းလျက်ရှိပါတယ်။ 

အာရှ-ပစိဖိတ် ဒေသဆိုင်ရာ သုတေသန အကြီးအကဲ က ယခုအချိန်တွင် အာရှသည် နိုင်ငံအများအပြားတွင် ငွေကြေးဖောင်းပွမှု နည်းပါးနေပြီး စီမံခန့်ခွဲနိုင်သောကြောင့် နောက်ဆုံးပေါ် ရေနံစျေးနှုန်းများ မြင့်တက်မှုကို ရင်ဆိုင်နိုင်ပုံပေါ်နေတယ်လို့ ဆိုပါတယ်။ ဒါပေမဲ့ စစ်ပွဲက ဘယ်လောက်ကြာကြာ ဆက်လက်ဖြစ်နေမလဲဆိုတာက နောက်ဆုံးတွင် စီးပွားရေးကျဆင်းမှု ဘယ်လောက်ပြင်းထန်လာမလဲဆိုတာကို ဆုံးဖြတ်သွားလိမ့်မယ်လို့ ၎င်းက ပြောကြားပါတယ်။ 

နစ်ကိုင်အာရှ ရဲ့ အစီရင်ခံစာအရ ၂၀၂၅ ခုနှစ်တုန်းက တစ်နေ့လျှင် ရေနံစိမ်း စည်ပေါင်း ၁၃.၄ သန်းခန့်က ဟောမုဇ်ရေလက်ကြားကိုဖြတ်ပြီး တင်ပို့ခဲ့တာဖြစ်လို့ ကမ္ဘာ့ရေနံကုန်သွယ်မှု၏ ၃၀ % ခန့်ရှိကြောင်း သိရပါတယ်။ အဲ့ဒိထဲက ၈၀% ကျော်က အာရှနိုင်ငံများဆီကို လာနေတာပါ။ 

ဟောမုဇ်ရေလက်ကြားကိုဖြတ်ပြီး တရုတ်နိုင်ငံက ရေနံအများဆုံး တင်သွင်းသူဖြစ်ပါတယ်။ တစ်နေ့လျှင် စည်ပေါင်း ၃.၈ သန်းခန့် တင်သွင်းနေတာကြောင့် စုစုပေါင်းရေနံတင်သွင်းမှုရဲ့ ၃၀ ရာခိုင်နှုန်းကျော်ကို လက်ခံရရှိနေပါတယ်လို့ ကုန်စည်ထောက်လှမ်းရေးကုမ္ပဏီ ကပ်လာသုတေသနဌာနရဲ့ အချက်အလက်များအရ သိရပါတယ်။  အိန္ဒိယသည် တစ်ရက်လျှင် စည်ပေါင်း ၂ သန်း၊ ဂျပန်သည် တစ်ရက်လျှင် စည် ၁.၇ သန်း၊ တောင်ကိုရီးယားသည် တစ်ရက်လျှင် စည် ၁.၆ သန်းခန့် တင်သွင်းနေပါတယ်။ 

 သဘာဝဓာတ်ငွေ့ရည် (LNG) ကလည်း အဲ့ဒိအတိုင်းပါပဲ။  ဟော်မုဇ်ရေလက်ကြားကိုဖြတ်၍ LNG တန်ချိန် ၈၂ ဒသမ ၃ သန်း သယ်ယူရာတွင် ၈၀ ရာခိုင်နှုန်းကျော်ကို အာရှနိုင်ငံများသို့ တင်ပို့ခဲ့ပြီး တရုတ်နှင့် အိန္ဒိယတို့က အများဆုံး ဝယ်ယူသူများဖြစ်ပါတယ်။ ရေလက်ကြားကိုဖြတ်သွားသော LNG အများစုသည် ကမ္ဘာ့ဒုတိယအကြီးဆုံး LNG တင်ပို့သည့် ကာတာမှဖြစ်ပါတယ်။ ကာတာသည် ကမ္ဘာလုံးဆိုင်ရာ LNG တင်ပို့မှု၏ ၂၀% ခန့်ရှိပြီး ၎င်း၏ LNG တင်ပို့မှုအားလုံးသည် နိုင်ငံတကာဈေးကွက်များသို့ မရောက်ရှိမီ ဟောမုဇ် ရေလက်ကြားကို ဖြတ်သန်းရမှာပဲ ဖြစ်ပါတယ်။ 

REF: The Nation

#News