နေပြည်တော်၊ မတ် ၁၇
ပညာရေးဝန်ကြီးဌာန ဒုတိယဝန်ကြီး ဒေါက်တာဇော်မြင့်သည် တာဝန်ရှိသူများနှင့်အတူ ယမန်နေ့က မိတ္ထီလာမြို့ရှိ မိတ္ထီလာတက္ကသိုလ်၊ မိတ္ထီလာစီးပွား ရေးတက္ကသိုလ်နှင့် မိတ္ထီလာပညာရေး ဒီဂရီကောလိပ်များတွင် စာမေးပွဲဖြေဆိုကြမည့် တက္ကသိုလ်ကျောင်းသား ကျောင်းသူများအား ရင်းရင်းနှီးနှီး တွေ့ဆုံအားပေးစကားပြောကြားကာ ပထမနေ့ တက္ကသိုလ်စာမေးပွဲ စိတ်အေးချမ်းစွာ ဖြေဆိုနေမှုကို လှည့်လည်ကြည့်ရှုသည်။
ထို့နောက် တက္ကသိုလ်ဥပဓိရုပ် ကောင်းမွန်ရေး၊ သန့်ရှင်းသာယာရေးနှင့် ပြင်ဆင်ထိန်းသိမ်းရေးလုပ်ငန်း ဆောင်ရွက်နေမှုကို ကြည့်ရှုစစ်ဆေးပြီး လိုအပ်သည်များကို ပေါင်းစပ်ညှိနှိုင်းပေးကာ နိုင်ငံတကာတက္ကသိုလ်များ၏ ဥပဓိရုပ်၊ ဖွဲ့စည်းပုံ၊ သင်နည်းစနစ်၊ စီမံခန့်ခွဲမှုစနစ်တို့ကို လေ့လာသုံးသပ်၍ ကမ္ဘာ့အဆင့်မီပညာရပ်များကို အရည်အချင်းပြည့်ဝသော ဆရာများက သင်ကြားပေးနိုင်ရေး မျှော်မှန်းချက် ချမှတ်ကြိုးပမ်းကြရန် မှာကြားသည်။
ယင်းနောက် ဒုတိယဝန်ကြီးသည် မိတ္ထီလာမြို့ အမှတ် (၃) အခြေခံပညာအထက်တန်းကျောင်း၊ အမှတ် (၄) အခြေခံပညာအထက်တန်းကျောင်းနှင့် အမှတ် (၅) အခြေခံပညာ အထက်တန်းကျောင်း (ရှမ်းတဲ) စာစစ်ဌာနများ၌ ကျောင်းသား ကျောင်းသူများ တက္ကသိုလ်ဝင်စာမေးပွဲ ပဉ္စမနေ့ ရူပဗေဒနှင့် သမိုင်းဘာသာရပ်ကို စိတ်အေးချမ်းစွာ ဖြေဆိုနေမှုကို လှည့်လည်ကြည့်ရှုအားပေးပြီး ကျောင်းဝင်းအတွင်း စာသင်ဆောင်တည်ဆောက်ရေးလုပ်ငန်း ဆောင်ရွက်ပြီးစီးမှုအခြေအနေကို ကြည့်ရှုခဲ့ကြောင်း သိရသည်။
#News #MNP
No comments:
Post a Comment