ကျောက်ဆည်၊ မတ် ၂၃
မန္တလေးတိုင်းဒေသကြီး၊ ကျောက်ဆည်ခရိုင် ကျောက်ဆည်မြို့နယ် မိုးလုံလေလုံအားကစားခန်းမတွင် ယမန်နေ့မွန်းလွဲ ၂ နာရီက ဒေသအသီးသီးမှ ယာယီနေရပ်စွန့်ခွာပြည်သူများအား အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုရန်ပုံငွေမှထောက်ပံ့သည့် ထောက်ပံ့ငွေပေးအပ်ပွဲ အခမ်းအနား ကျင်းပပြုလုပ်ခဲ့ကြောင်းသိရသည်။
အခမ်းအနားတွင် မြို့နယ်ထောက်ပံ့ငွေ ထောက်ပံ့ရေးအဖွဲ့ခေါင်းဆောင်နှင့်အဖွဲ့ဝင်များမှ ဒေသအသီးသီးမှ ယာယီနေရပ်စွန့်ခွာရောက်ရှိသူရပ်ကွက်၊ ကျေးရွာအုပ်စု(၂၃)အုပ်စု၊ စာသင်ကျောင်း(၄) ကျောင်းတွင် အိမ်ထောင်စု (၃၆၇)စုမှ လူဦးရေ(၁၄၆၈)ဦးအတွက် တစ်ဦးလျှင် တစ်လငွေကျပ် နှစ်သောင်းနှုန်းဖြင့် အောက်တိုဘာ၊ နိုဝင်ဘာ၊ ဒီဇင်ဘာ(၃)လစာအတွက်စုစုပေါင်းငွေ ၈၈,၀၈၀,၀၀၀ ကျပ်အား သက်ဆိုင်ရာရပ်ကွက်/ကျေးရွာအုပ်ချုပ်ရေးမှူးများနှင့် တာဝန်ရှိသူများမှ ယာယီနေရပ်စွန့်ခွာပြည်သူများ လက်ဝယ်အရောက် ထောက်ပံ့ပေးအပ်ခဲ့ကြောင်း သိရသည်။
စုစုအေး
#MNP #News
No comments:
Post a Comment