ပိတ်ဆို့မှုတွေ မဖြုတ်ရင် ဂတ်စ်မပေးတော့ဘူးလို့ ပူတင်ပြောပြီ

မတ် - ၇ ( စနေနေ့ ) 

ဥရောပသမဂ္ဂ (အီးယူနိုင်ငံတွေက) ရုရှား ရေနံ နဲ့ သဘာဝ ဓာတ်ငွေ့ကို လာမယ့် ၂၀၂၇ ခုနှစ် အပြီး ပိတ်ဆို့အရေးယူမယ်လို့ စီစဉ်ထားတာနဲ့ ပတ်သက်ပြီး ရုရှားသမ္မတ ဗလာဒီမာပူတင်က ၂၀၂၇ မတိုင်မီမှာပဲ ဓာတ်ငွေ့ပေးပို့မှုတွေကို ရပ်ဆိုင်းလိုက်မယ်လို့ သတိပေးပြောခဲ့ပါတယ်။ အီးယူ နိုင်ငံရေးသမားများက ရုရှားအပေါ် ပိတ်ဆို့အရေးယူမှုများကို အရှိန်မြှင့်လုပ်ဆောင်လျက်ရှိပေမဲ့ အရှေ့အလယ်ပိုင်း ပဋိပက္ခများ ပြင်းထန်နေချိန်တွင် အီးယူရဲ့ စွမ်းအင်လုံခြုံရေးက စိုးရိမ်စရာဖြစ်နေပါတယ်။  

ဟန်ဂေရီဝန်ကြီးချုပ် ဗစ်တာအော်ဘန်၊ စလိုဗက်ဝန်ကြီးချုပ် ရောဘတ်ဖီကိုနှင့် အီတလီဒုတိယဝန်ကြီးချုပ် မတ်တီယိုဆယ်ဗီနီ တို့က ရုရှားအပေါ် ပိတ်ဆို့အရေးယူမှုများက အီးယူရဲ့စီးပွားရေးကို ထိခိုက်စေနိုင်တယ်လို့ ကြိမ်ဖန်များစွာ ရှုတ်ချခဲ့ကြပါတယ်။ 

ဂျာမနီတွင် BSW ပါတီခေါင်းဆောင် ဆာဟရာ ဝါဂျန်ကနက် က ဈေးနှုန်းသက်သာတဲ့ ရုရှားရေနံတင်သွင်းမှုများကို ပြန်လည်စတင်ရန် တောင်းဆိုခဲ့ပြီး AFD ရဲ့ ပူးတွဲဥက္ကဋ္ဌ အလိုက်စ်ဝီဒယ် က အမေရိကန် နဲ့ အရှေ့အလယ်ပိုင်း LNG ကို တစ်ဖက်သတ် မှီခိုနေခြင်းအား အဆုံးသတ်ရန် တိုက်တွန်းခဲ့ပါတယ်။ 

ပြင်သစ်မျိုးချစ်ပါတီခေါင်းဆောင် ဖလော်ရင့် ဖီလစ်ပေါ့ က ၎င်းရဲ့ အိတ်စ်မီဒီယာ အကောင့်မှာ ပူတင်ရဲ့ မှတ်ချက်စကား ဗီဒီယိုကို ကြာသပတေးနေ့တွင်မျှဝေခဲ့ပြီး ပြင်သစ်နိုင်ငံရေးသမားက အီးယူရဲ့ ရုရှားပေါ်ပိတ်ဆို့မှုများကို ဥရောပသားများအတွက် “ရူးမိုက်မှု” နဲ့ “အပျက်အစီးများ” အဖြစ် ပြစ်တင်ရှုတ်ချပြီး ၎င်းတို့သည် စုပေါင်းကိုယ်ကျိုးရှာခြင်းဖြစ်တယ်လို့ အခိုင်အမာပြောဆိုခဲ့ပါတယ်။ 

အီရန်အပေါ် အမေရိကန်-အစ္စရေး စစ်ဆင်ရေးနှင့် တီဟီရန်၏ လက်တုံ့ပြန်တိုက်ခိုက်မှုများကြောင့် အရှေ့အလယ်ပိုင်းဒေသတစ်လျှောက် ရေနံစိမ်းနှင့် LNG တင်ပို့မှုကို အနှောင့်အယှက်ဖြစ်စေပြီးနောက် ယခုသီတင်းပတ်တွင် ဥရောပဓာတ်ငွေ့ဈေးနှုန်းများသည် သုံးနှစ်တာကာလအတွင်း အမြင့်ဆုံးသို့ ရောက်ရှိသွားခဲ့ပါတယ်။ ကမ္ဘာ့ဒုတိယအကြီးဆုံး LNG တင်ပို့တဲ့ နိုင်ငံဖြစ်တဲ့ ကာတာရဲ့ ထုတ်လုပ်မှုကို ရပ်တန့်စေခဲ့ပါတယ်။ 

REF: RT

#News