မတ် - ၂၅ ( ဗုဒ္ဓဟူးနေ့ )
လာအိုနိုင်ငံက အမျိုးသားလောင်စာဆီပြတ်လပ်မှုကို တုံ့ပြန်သည့်အနေဖြင့် အစိုးရနှင့်ပုဂ္ဂလိက ပညာရေးအဖွဲ့အစည်း အားလုံး အတွက် လူကိုယ်တိုင်ကျောင်းတက်ရက် တစ်ပတ် ငါးရက်မှ သုံးရက်သို့ လျှော့ချလိုက်ပါတယ်။
သင်ရိုးညွှန်းတမ်း အပြည့်အစုံကို လူကိုယ်တိုင်ကျောင်တက်ပြီး သင်ကြားဖို့အတွက် ရက်အနည်းငယ်သာ တက်စေပြီး ကျောင်းများသည် လိုအပ်သလို စာသင်နှစ်ကို တိုးချဲ့ရန် လုပ်ဆောင်နေပါတယ်။ ညွှန်ကြားချက်အရ မူကြိုများ၊ ဆရာလေ့ကျင့်ရေးကောလိပ်များနှင့် အဆင့်မြင့်ပညာရေးအဖွဲ့အစည်းများအပါအဝင် ပညာရေးအဆင့် အားလုံးတွင် အကျုံးဝင်ပါတယ်။
တကယ်လို့ လောင်စာဆီ အကျပ်အတည်း ဆက်လက်ရှိနေပါက၊ စာသင်ကျောင်းတွေက ကလေးတွေကို ယာယီအတန်း ဆိုင်းငံ့ထားရမယ်လို့ ဆိုပါတယ်။ ကြာသပတေးနေ့မှာ ဝန်ကြီးချုပ်ရုံးက ဝန်ကြီးချုပ်ရဲ့အမိန့်ကို အသက်ဝင်စေမည့် အရေးပေါ်သတိပေးချက်တစ်ရပ်ကို ထုတ်ပြန်လိုက်တာပါ။
ကျောင်းသား၊ မိဘများနှင့် သင်ကြားရေးဝန်ထမ်းများအတွက် ဝန်ထုပ်ဝန်ပိုးဖြစ်မှု လျော့ပါးစေရန် ပညာရေးနှင့် အားကစား ဝန်ကြီးဌာနမှ ဝန်ကြီးချုပ်ရုံးသို့ ပန်ကြားထားပြီးနောက် အဆိုပါ သတိပေးချက် ထုတ်ပြန်ခဲ့ခြင်းဖြစ်ပါတယ်။
ပညာရေးနှင့် အားကစားဝန်ကြီးဌာနသည် နိုင်ငံတစ်ဝှမ်းရှိ အစိုးရနှင့်ပုဂ္ဂလိက ပညာရေးအဖွဲ့အစည်းများအား လက်တွေ့အခြေအနေနှင့် ကိုက်ညီသော လမ်းညွှန်ချက်များနှင့် ညွှန်ကြားချက်များ ထုတ်ပြန်ရန် ၀န်ကြီးချုပ်ရဲ့ သတိပေးချက်တွင် တောင်းဆိုထားပါတယ်။
REF: The Nation
#MNP #News
No comments:
Post a Comment