ပေါင်၊ ဧပြီ ၆
မွန်ပြည်နယ်၊ပေါင်မြို့နယ်၌ နိုင်ငံတော်မှ ချီးမြှင့်သည့် ဘွဲ့တံဆိပ်တော်ရ ဆရာတော်ကြီးများနှင့် ၂၀၂၅ခုနှစ်၊ စာအောင်သံဃာတော်များအား ဂုဏ်ပြုပူဇော်သော စူဠဘွဲ့နှင်း သဘင် အခမ်းအနားကို ယမန်နေ့က
ကဒါရပ်ကွက် သာသနာ့ဗိမာန်တော်ကြီး၌ ပြုလုပ်ခဲ့ရာ မြို့နယ်သံဃနာယက ဥက္ကဌဆရာတော် မဟာသဒ္ဒမဇောတိကဓဇ ဘဒ္ဒန္တစန္ဒောဘာသနှင့် ပင့်ဖိတ်ဆရာတော်ကြီးများ၊မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌ ဦးထင်လင်းအောင်နှင့် အဖွဲ့ဝင်များ စာအောင်သံဃာတော်များနှင့်စာအောင်သီလရှင်များ၊ဌာနဆိုင်ရာများ၊စေတနာရှင်ပြည်သူများတက်ရောက်ခဲ့ကြသည်။
ဦးစွာ အခမ်းအနားကို နမောတဿ သုံးကြိမ်ရွတ်ဆို ဘုရားကန်တော့ ဖွင့်လှစ်ပေးကာ မြို့နယ်သံဃနာယက ဥက္ကဌ ဆရာတော် မဟာသဒ္ဒမဇောတိကဓဇ ဘဒ္ဒန္တစန္ဒောဘာသ က ငါးပါးသီလ ခံယူဆောက်တည် ကြပြီး ဩဝါဒကထာ ချီးမြှင့်ပေးသည်။
ဆက်လက်၍ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌ ဦးထင်လင်းအောင် က သာသနာရေးဆိုင်ရာများ လျှောက်ထားပြီး သက်ဆိုင်ရာတာဝန်ရှိသူတို့က ဘွဲ့တံတဆိပ်တော်များ နှင့် နဝကမ္မဝတ္ထုငွေ များဆပ်ကပ်လှူဒါန်းပေးခဲ့ပြီး ၂၀၂၅ခုနှစ်စာအောင်သံဃာတော်နှင့် သီလရှင် စုစုပေါင်း (၇၆) ပါးတို့အား ဘွဲ့တံဆိပ်နှင့်ဆုများ ဆက်ကပ်လှူဒါန်း၍ လှူဒါန်းမှုအစုစုအတွက် ရေစက်သွန်းချ အမျှပေးဝေခဲ့ပြီး ဆွမ်းဆန်စိမ်းများလောင်းလှူခဲ့ကြောင်း သိရသည်။
မွန်မလေး
#MNP #News
No comments:
Post a Comment