မေ - ၁၅ (သောကြာနေ့ )
ကနေဒါနိုင်ငံ ဗန်ကူးဗားမြို့ရဲ့ မြို့တော်ဝန် ကန်ဆင်မ် က သူ့ရဲ့လုပ်ငန်းခွင်အစိတ်အပိုင်းတွေကို ဒစ်ဂျစ်တယ် လက်ထောက်တွေက ကိုင်တွယ်ဖြေရှင်းတဲ့အကြောင်း မှတ်ချက်ပေးပြီးနောက် ဉာဏ်ရည်တုစနစ် (အေအိုင်) တွေကို စည်ပင်အဖွဲ့ရဲ့ ဆုံးဖြတ်ချက်တွေချရာမှာ အသုံးမပြုကြောင်း ရှင်းလင်းပြောကြားခဲ့ပါတယ်။
ဆင်မ် က ယခုသီတင်းပတ်အစောပိုင်းက နည်းပညာကွန်ဖရင့်တစ်ခုတွင် သူ့တွင် “AI အေးဂျင့် ၁၁ ဦး” ရှိပြီး သူ့အလုပ်ရဲ့ “နောက်ကွယ်တွင်” လုပ်ဆောင်နေတဲ့ အေအိုင်လက်ထောက် အများကြီးရှိကြောင်း ပြောကြားပြီးနောက် သူ့ကို တုံ့ပြန်မှု စတင်ပေါ်ပေါက်လာခဲ့ပါတယ်။ မြို့တော်ဝန်နေရာပြိုင်ဖက် ကာရင်အော်လန် အပါအဝင် ဝေဖန်သူများက ပြင်ပအဖွဲ့အစည်း အေအိုင် ဝန်ဆောင်မှုများနဲ့ ချိတ်ဆက်ထားမှုက အချက်အလက်ပေါက်ကြားမှုများ ဖြစ်ပေါ်လာနိုင်တဲ့အတွက် သတိထားရမည့်အချက်အလက်များကို မေးခွန်းထုတ်ခဲ့ကြပါတယ်။
ဗုဒ္ဓဟူးနေ့တွင် ဆင်မ် က အေအိုင် ကိရိယာများကို ဗန်ကူဗားမြို့တော်ခန်းမရဲ့ မူဝါဒ သို့မဟုတ် အုပ်ချုပ်မှုဆိုင်ရာ ဆုံးဖြတ်ချက်များချရာတွင် အသုံးမပြုကြောင်း ရှင်းလင်းပြောကြားခဲ့ပြီး အဆိုပါနည်းပညာကို စီမံခန့်ခွဲရေးဆိုင်ရာ ပံ့ပိုးကူညီမှု၊ သုတေသနနှင့် ကုန်ထုတ်စွမ်းအားဆိုင်ရာ လုပ်ငန်းများအတွက် အဓိကအသုံးပြုကြောင်း ပြောကြားခဲ့ပါတယ်။ စနစ်များက သတင်းများကို စကင်န်ဖတ်ရန်၊ ငွေကြေးနှင့် ကမ္ဘာလုံးဆိုင်ရာ အဖြစ်အပျက်များကို လိုက်ကြည့်ရန် နဲ့ အစားအသောက် အစီအစဉ်ဆွဲခြင်းကို စီမံခန့်ခွဲရာတွင် အထောက်အကူဖြစ်စေကြောင်း ၎င်းက ရှင်းပြပါတယ်။
ကနေဒါဖက်ဒရယ်အစိုးရက ဗန်ကူးဗားတွင် အေအိုင် ဒေတာစင်တာအသစ် နှစ်ခုတည်ဆောက်မှုအား ပံ့ပိုးပေးမယ့် အစီအစဉ်များကို ကြေညာချိန်တွင် အေအိုင် အေးဂျင့်များ အသုံးပြုခြင်းနှင့် ပတ်သက်ပြီး ဆင်မ်ရဲ့ မှတ်ချက်များ ထွက်ပေါ်လာတာဖြစ်ပါတယ်။ ကနေဒါအစိုးရ က လွန်ခဲ့တဲ့ သုံးနှစ်အတွင်း အေအိုင် နဲ့ ပတ်သက်တဲ့ နည်းပညာများနှင့် ဝန်ဆောင်မှုများအတွက် ကနေဒါ ဒေါ်လာ သန်း ၈၀၀ (အမေရိကန်ဒေါ်လာ သန်း ၅၈၀ ကျော်) ကို အသုံးပြုခဲ့ကြောင်း အမျိုးသားလေ့လာစောင့်ကြည့်ရေးအဖွဲ့ က ယခုသီတင်းပတ်တွင် ဖော်ပြခဲ့ပါတယ်။
ကမ္ဘာတစ်ဝှမ်းရှိ အစိုးရများသည် အုပ်ချုပ်ရေးလုပ်ငန်း၊ ဒေတာခွဲခြမ်းစိတ်ဖြာခြင်းနှင့် ပြည်သူ့ဝန်ဆောင်မှုများ အတွက် အေအိုင်စနစ်များကို ပိုမိုအသုံးပြုလာကြသဖြင့် နည်းပညာသည် ထိရောက်မှုနှင့် ကုန်ကျစရိတ်များကို လျှော့ချနိုင်တယ်လို့ သိရပါတယ်။ စင်္ကာပူနှင့် UAE ကဲ့သို့သော နိုင်ငံများသည် နည်းပညာကို အစိုးရလုပ်ငန်းဆောင်ရွက်မှုများတွင် ပေါင်းစည်းထားပြီး အယ်လ်ဘေးနီးယားသည် ၎င်း၏ အများသူငှာ ဝယ်ယူရေးစနစ်၏ အစိတ်အပိုင်းများကို ကြီးကြပ်ရန်အတွက် အေအိုင် 'ဝန်ကြီး' ကို ယမန်နှစ်က ခန့်အပ်ခဲ့ပါတယ်။
REF: RT
#News #MNP
No comments:
Post a Comment