လာမည့် ဇွန်လ ၃ ရက်နေ့တွင် စတင်ကျင်းပတော့မည့် AYA Tri-Nation Cup 2026 ပြိုင်ပွဲအတွက် ပြင်ဆင်နေသည့် မြန်မာ့လက်ရွေးစင် အမျိုးသမီးအသင်းတွင် အဓိကတိုက်စစ်မှူးဖြစ်သူ ဝင်းသိင်္ဂီထွန်းမှာ ကျန်းမာရေးအခြေအနေကြောင့် ပါဝင်ကစားနိုင်ဦးမည်မဟုတ်ကြောင်း မြန်မာနိုင်ငံဘောလုံးအဖွဲ့ချုပ် က သတင်းထုတ်ပြန်ထားသည်။
ဝင်းသိင်္ဂီထွန်းသည် မြန်မာ့လက်ရွေးစင် အမျိုးသမီးအသင်း၏ ပဏာမလူစာရင်းတွင် ရွေးချယ်ခံထားရသော်လည်း လတ်တလော ကြုံတွေ့နေရသည့် ကျန်းမာရေးအခြေအနေကြောင့် အသင်းနှင့်အတူ ပူးပေါင်းနိုင်ခြင်းမရှိဘဲ အနားယူနေရခြင်း ဖြစ်ကြောင်း၊ မြန်မာ့လက်ရွေးစင် အမျိုးသမီးအသင်းဆရာဝန်၏ ပြောကြားချက်အရ တိုက်စစ်မှူး ဝင်းသိင်္ဂီထွန်းသည် ဒဏ်ရာကြောင့်မဟုတ်ဘဲ ကျန်းမာရေးကိစ္စကြောင့် အသေးစားခွဲစိတ်မှုတစ်ခု ခံယူထားရခြင်းဖြစ်ပြီး၊ ခွဲစိတ်မှုအပြီး ပြန်လည်သက်သာလာစေရန်အတွက် တစ်လခွဲခန့် သီးသန့်အနားယူရမည်ဖြစ်ကြောင်း သိရသည်။
မြန်မာ့လက်ရွေးစင် အမျိုးသမီးအသင်းသည် AYA Tri-Nation Cup ပြိုင်ပွဲအဖြစ် ဇွန်လ ၃ ရက်နေ့တွင် ဥဇဘက်ကစ္စတန်အသင်း၊ ဇွန်လ ၉ ရက်နေ့တွင် ထိုင်းအသင်းတို့နှင့် ရန်ကုန်မြို့၊ သုဝဏ္ဏအားကစားကွင်း၌ ညနေ ၅ နာရီတွင် အသီးသီး ယှဉ်ပြိုင်ကစားသွားရမည် ဖြစ်သည်။
#MNP #News
No comments:
Post a Comment