နေပြည်တော်၊ မေ ၁၆
ငါးအစာကုန်ကြမ်း (ပဲပုပ်ဖတ်) တင်သွင်းခွင့်ကိစ္စနှင့် ပတ်သက်သည့် ညှိနှိုင်းအစည်းအဝေးကို ယမန်နေ့က နေပြည်တော်ရုံးအမှတ် (၃၆) ၌ ကျင်းပသည်။
အစည်းအဝေးတွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဒေါက်တာ ရဲထွန်းဝင်းက ငါးအစာထုတ်လုပ်ရေးလုပ်ငန်းများ စဉ်ဆက်မပြတ် လည်ပတ်နိုင်ရေးနှင့် မွေးမြူရေးလုပ်ငန်းရှင်များ အရည်အသွေးမြင့်အစာကို သက်သာသောနှုန်းထားဖြင့် အသုံးပြုနိုင်ရေးအတွက် ပဲပုပ်ဖတ်တင်သွင်းခွင့်ကိစ္စအား စနစ်တကျညှိနှိုင်းဆောင်ရွက်နိုင်ရေး ဝိုင်းဝန်းဆွေးနွေးကြရန် တိုက်တွန်းပြောကြားသည်။
ဆက်လက်၍ ငါးလုပ်ငန်းဦးစီးဌာန ညွှန်ကြားရေးမှူးချုပ်နှင့် တာဝန်ရှိသူတို့က ငါးအစာကုန်ကြမ်း (ပဲပုပ်ဖတ်) တင်သွင်းရန် စိစစ်ပြုစုခြင်း၊ ပုဂ္ဂလိကငါးပုစွန်အစာတောင့်စက်ရုံများက မှတ်ပုံတင်ရေးနှင့် လိုအပ်သော ကိန်းဂဏန်းအချက်အလက်များ ပံ့ပိုးရေးနှင့် ပတ်သက်၍ ရှင်းလင်းဆွေးနွေးပြီး မြန်မာနိုင်ငံငါးလုပ်ငန်းအဖွဲ့ချုပ်မှ တာဝန်ရှိသူများ၊ ငါးအစာထုတ်လုပ်သည့် ကုမ္ပဏီများနှင့် လုပ်ငန်းရှင်များက လုပ်ငန်းအတွေ့အကြုံများနှင့် လိုအပ်ချက်များကို တင်ပြဆွေးနွေးကြရာ ဒုတိယဝန်ကြီးက ပေါင်းစပ်ညှိနှိုင်းဆောင်ရွက်ပေးခဲ့သည်။
#News #MNP
No comments:
Post a Comment