ညောင်ဦး၊ မေ ၁၈
မန္တလေးတိုင်းဒေသကြီး ညောင်ဦးခရိုင် ညောင်ဦးမြို့နယ် ပုဂံရှေးဟောင်းယဉ်ကျေးမှုနယ်မြေ သထုံပြည့်ရှင် မနူဟာမင်းကြီးတည်ထားကိုးကွယ်ခဲ့သည့် မနူဟာဘုရားကြီး စိန်ဖူးတော်ထီးတော်နှင့်ငှက်မြတ်နားတော်တင်လှူပူဇော်ပွဲနှင့် ရွှေပြည်အောင်ပွဲကျင်းပနိုင်ရေး လုပ်ငန်းညှိနှိုင်းအစည်းအဝေးကို မေ ၁၈ ရက် နံနက် ၁၀ နာရီက မနူဟာဘုရား ဂေါပကရုံးခန်းတွင် ကျင်းပသည်။
အစည်းအဝေးတွင် ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးကျော်မင်းညိုက ထိုင်တော်မူဗုဒ္ဓရုပ်ပွားတော်ကြီး ရွှေသင်္ကန်းကပ်လှူပူဇော်ပြီးစီးမှုအား ဖူးမြော်ကြည်ညိုကြည့်ရှုစစ်ဆေးပြီး စိန်ဖူးတော်၊ ထီးတော်၊ ငှက်မြတ်နားတော် တင်လှူပူဇော်နိုင်ရေးနှင့် ရွှေပြည့်အောင်ပွဲကျင်းပနိုင်ရေး ပြောကြားသည်။ ထို့နောက် သံဃာတော်(၁၀၈)ပါး ပင့်ဖိတ်ရေးနှင့်ဆွမ်းကပ်လှူရေး၊ အခမ်းအနားပြင်ဆင်ရေး၊ ရွှေပြည့်အောင်ပွဲလာ ရပ်နီးရပ်ဝေး ဧည့်သည်များ ဧည့်ခံကျွေးမွေးရေးတို့အား ခရိုင်စီမံကိန်းရေးဆွဲရေးဦးစီးဌာန ခရိုင်ဦးစီးမှူး ဦးစံထွေးမောင်က ရှင်းလင်းတင်ပြီး ညောင်ဦးမြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးဝင်းလှိုင်တင့်က စိန်ဖူးတော်၊ ထီးတော်နှင့်ငှက်မြတ်နားတော်တို့အား မြို့တွင်းလှည့်လည်အပူဇော်ခံနိုင်ရေးတို့အား ရှင်းလင်းတင်ပြပြီး ရွှေပြည့်အောင်ပွဲစည်းကားသိုက်မြိုက်စွာကျင်းပနိုင်ရေး ပေါင်းစပ်ညှိနှိုင်းပေးခဲ့ကြောင်း သိရသည်။
ဒီပါလင်း
#MNP #News
No comments:
Post a Comment